Fanazavana ireo fitsipika mifehy ny varotra

𝙉𝙞𝙖𝙩𝙧𝙞𝙠𝙖 𝙞𝙧𝙚𝙤 𝙢𝙥𝙖𝙣𝙙𝙧𝙖𝙝𝙖𝙧𝙖𝙝𝙖 𝙖𝙧𝙖-𝙗𝙖𝙧𝙤𝙩𝙧𝙖 𝙢𝙞𝙨𝙚𝙝𝙖𝙩𝙧𝙖 𝙖𝙢𝙞𝙣’𝙣𝙮 𝙋𝙋𝙉 𝙖𝙤 𝙈𝙖𝙝𝙖𝙟𝙖𝙣𝙜𝙖 𝙣𝙮 𝙎𝙚𝙠𝙧𝙚𝙩𝙚𝙧𝙖 𝙟𝙚𝙣𝙚𝙧𝙖𝙡𝙞𝙣’𝙣𝙮 𝙈𝙞𝙣𝙞𝙨𝙞𝙩𝙚𝙧𝙖𝙣’𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖 (𝙈𝙞𝙣𝘾𝘾) 𝙂𝙞𝙡𝙘𝙝𝙧𝙞𝙨𝙩 𝙍𝘼𝙆𝙊𝙏𝙊𝙎𝙊𝙉

Nizara roa ity fihaonana tao amin’ny efitrano fivorian’ny Faritra Boeny ity ka ny tapany voalohany dia niarahana tamin’ireo mpandraharaha mpanafatra entana raha natokana ho an’ireo mpivarotra mpamongady sy mpaninjara kosa ny tapany faharoa.

Nisy, araka izany, ny fampahafantarana fa miato vonjimaika fakàna haba sy hetra amin’ireo vary nafarana nanomboka ny Alakamisy 20 Aogositra 2026. Izany ́no natao dia handrindrana ny famatsiana vary noho ny mbola tsy fahampian’ny vary vokatra eto an-toerana.

– Ny Minisiteran’ny Varotra sy ny Fanjifana sy ireo Fitalevam-paritra kosa dia hanamafy ny fanaraha-maso amin’ny vidiny sy ny tahiry.

– Manao fanambaràna tsy tapaka ny tahirim-bary misy ao aminy ny mpandraharaha ary mandrafitra ny tokony ho vidiny miainga amin’ireo fandaniana sy vesatra samihafa ny teknisiana isaky ny msy entana tonga.

Nohamafisina teto ny tokony hanajàna ny Lalàna velona mifehy ny varotra toy ny fanomezana faktiora, ny fepetra fitehirizana, ny fanaraha-maso ny kalitaon’ny entana amidy ary ny fametahana ny vidin’entana ho hitan’ny mpanjifa.

Nambaran’ny Sekretera jeneraly tamin’ireo mpisehatra amin’ny entana ilaina andavanandro fa mifampiankina ny asan’ny Minisitera sy ny mpandraharaha. « 𝘔𝘢𝘭𝘢𝘭𝘢𝘬𝘢 𝘯𝘺 𝘮𝘱𝘢𝘯𝘥𝘳𝘢𝘩𝘢𝘳𝘢𝘩𝘢 𝘢𝘮𝘪𝘯’𝘯𝘺 𝘵𝘰𝘮𝘣𝘰𝘯𝘺 𝘢𝘭𝘢𝘪𝘯𝘺 𝘧𝘢 𝘵𝘴𝘺 𝘢𝘻𝘰 𝘢𝘵𝘢𝘰 𝘯𝘺 𝘮𝘢𝘬𝘢 𝘵𝘰𝘮𝘣𝘰𝘯𝘺 𝘮𝘪𝘩𝘰𝘮𝘱𝘢𝘮𝘱𝘢𝘯𝘢 ».

Nankasitrahan’ny mpandraharaha ny fihaonana toy izao ary samy nametraka ny fanontaniana nanitikitika azy izy ireo.