Varotra ivelany

𝙈𝙖𝙣𝙙𝙧𝙖𝙮 𝙖𝙣𝙟𝙖𝙧𝙖 𝙖𝙢𝙞𝙣’𝙣𝙮 𝙖𝙩𝙧𝙞𝙠𝙖𝙨𝙖 𝙖𝙣𝙮 𝘽𝙤𝙩𝙨𝙬𝙖𝙣𝙖 𝙝𝙖𝙣𝙖𝙢𝙖𝙛𝙞𝙨𝙖𝙣𝙖 𝙣𝙮 𝙛𝙖𝙝𝙖𝙞𝙯𝙖-𝙢𝙖𝙣𝙖𝙤 𝙢𝙤𝙢𝙗𝙖 𝙣𝙮 𝙛𝙖𝙣𝙖𝙧𝙖𝙝𝙖-𝙢𝙖𝙨𝙤 𝙨𝙮 𝙛𝙖𝙣𝙤𝙢𝙖𝙣𝙖𝙣𝙖 𝙩𝙖𝙩𝙞𝙩𝙧𝙖 𝙢𝙞𝙠𝙖𝙨𝙞𝙠𝙖 𝙣𝙮 𝙛𝙖𝙢𝙥𝙞𝙝𝙖𝙧𝙖𝙣𝙖 𝙣𝙮 « 𝙋𝙧𝙤𝙩𝙤𝙘𝙤𝙡𝙚 » 𝙎𝘼𝘿𝘾 𝙢𝙤𝙢𝙗𝙖 𝙣𝙮 𝙑𝙖𝙧𝙤𝙩𝙧𝙖 𝙣𝙮 𝙈𝙞𝙣𝙞𝙨𝙞𝙩𝙚𝙧𝙖𝙣’𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖 (𝙈𝙞𝙣𝘾𝘾).

Mandritra ny telo andro no anatanterahana ity atrikasa any Gaborone, Botsawana ity, izay amondronan’ny SADC ireo tomponandraikitra misahana ny fanaraha-maso sy fanombanana mikasika ny Protokola momba ny Varotra. Mandray anjara amin’izany ireo tomponandraikitra avy amin’ny Foibem-pitondrana misahana ny fifandraisana iraisam-pirenena sy ny Foibem-pitondrana momba ny fanaraha-maso sy fanaovana tombana eto anivon’ny Minisiteran’ny Varotra sy ny Fanjifana (MinCC), tarihin’ny Tale Holy RANDRIAMIFIDY sy Victor RABETAFIKA.

Mifantoka amin’ny fanatsarana ny kalitaon’ny angon-drakitra ara-barotra sy ny fanomanana ny tatitra ny fifanakalozan-kevitra, mba hahafahana manombana amin’ny fomba mahomby kokoa ny fanatanterahan’ireo firenena mpikambana ny andraikiny ao anatin’ny SADC.

Anisan’ny tanjon’ny atrikasa ny fanamafisana ny fahaiza-manaon’ireo tomponandraikitra sy ny fanatsarana ny rafitra fanaraha-maso sy fanombanana.

Zava-dehibe ho an’i Madagasikara izany satria ahafahana mamantatra ireo sakana mbola misy amin’ny varotra ao anatin’ny faritra SADC, manatsara ny fanaraha-maso ny fampiharana ny fifanarahana ara-barotra ary manamafy ny fahafahana misehatra ao anatin’izany tsena izany.

Nivoitra tao anatin’izany ny fanatsarana ny fanaraha-maso sy ny fitantanana ny antontan’isa ara-barotra izay dingana lehibe hanohanana ny fampiharana mahomby ny fifanarahana, ny fampiroboroboana ny varotra malagasy ary ny fanamafisana ny fifaninanana eo amin’ny tsena isam-paritra.