Taom-piotazana lavanila maitso

𝙁𝙖𝙧𝙞𝙩𝙖𝙣’𝙣𝙮 𝙛𝙞𝙛𝙖𝙣𝙖𝙩𝙤𝙣𝙖𝙣’𝙣𝙮 𝙏𝙤𝙡𝙤𝙩𝙧𝙖 𝙨𝙮 𝙣𝙮 𝙏𝙞𝙣𝙖𝙙𝙮 𝙣𝙮 𝙫𝙞𝙙𝙞𝙣’𝙣𝙮 𝙡𝙖𝙫𝙖𝙣𝙞𝙡𝙖 𝙖𝙣𝙮 𝙖𝙢𝙞𝙣’𝙣𝙮 𝙁𝙖𝙧𝙞𝙩𝙧𝙖 𝙎𝘼𝙑𝘼 𝙨𝙮 𝙁𝙖𝙧𝙞𝙩𝙧𝙖 𝙝𝙖𝙛𝙖 𝙧𝙚𝙝𝙚𝙩𝙧𝙖 𝙢𝙥𝙖𝙢𝙤𝙠𝙖𝙩𝙧𝙖 𝙡𝙖𝙫𝙖𝙣𝙞𝙡𝙖.

Miakatra tsikelikely ny vidin’ny lavanila maitso any amin’ny Faritra SAVA sady mitombo ny lanjan’ny vokatra raisin’ireo mpividy.

Tafakatra hatrany amin’ny 23000Ar no nividian’ny Société Vanilla Sourcing Group Mada Sarlu ny lavanila maitso bio tao Lavatsiraka, kaominina Antombana any amin’ny distrikan’Antalaha tamin’ity Alakamisy 16 Jolay 2026 ity. Lavanila 8 taonina no noraisiny tamin’izany.

Mbola ny Société Vanilla Sourcing Group Mada Sarlu ihany koa no tonga nanangona ny vokatry ny tantsaha mpamboly lavanila tao Namohana-Tanandava, kaominina Ampobe, tamin’ny vidiny 11000Ar raha 10000Ar no nividian’ny Société Madagascar Flavors ny lavanila maitso iray kilao tao Ambohimarina, kaominina Sarahandrano, samy any amin’ny distrikan’Antalaha.

Tamin’ny Zoma 10 Jolay 2026, na ny Société Madagascar Flavors izay nidina tany Ambodiampana Sambava na ny Société Authentic Product izay tonga tany Ambohimarina sy Amboangibe, any Maroambihy Sambava dia samy nividy tamin’ny 10000Ar.