Vaovaon’ny Fitaleavam-paritry ny Varotra sy ny Fanjifana (DRCC)

𝙈𝙞𝙙𝙞𝙣𝙖 𝙞𝙛𝙤𝙩𝙤𝙣𝙮 𝙢𝙖𝙣𝙚𝙩𝙨𝙞𝙠𝙖 𝙣𝙮 𝙢𝙥𝙖𝙣𝙙𝙧𝙖𝙝𝙖𝙧𝙖𝙝𝙖 𝙨𝙮 𝙢𝙥𝙞𝙨𝙚𝙝𝙖𝙩𝙧𝙖 𝙝𝙖𝙣𝙖𝙩𝙖𝙣𝙩𝙚𝙧𝙖𝙠𝙖 𝙣𝙮 𝙛𝙖𝙣𝙖𝙢𝙗𝙖𝙧à𝙣𝙖 𝙩𝙖𝙝𝙞𝙧𝙮 (𝙙é𝙘𝙡𝙖𝙧𝙖𝙩𝙞𝙤𝙣 𝙙𝙚𝙨 𝙨𝙩𝙤𝙘𝙠𝙨) 𝙢𝙤𝙢𝙗𝙖 𝙣𝙮 𝙫𝙖𝙧𝙮 𝙖𝙠𝙤𝙩𝙧𝙮 𝙨𝙮 𝙫𝙖𝙧𝙮 𝙛𝙤𝙩𝙨𝙮 𝙣𝙮 𝙍𝙖𝙣𝙩𝙨𝙖𝙢𝙖𝙣𝙜𝙖𝙞𝙠𝙖𝙣’𝙣𝙮 𝙈𝙞𝙣𝙞𝙨𝙞𝙩𝙚𝙧𝙖𝙣’𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖 (𝙈𝙞𝙣𝘾𝘾) 𝙖𝙣𝙮 𝙖𝙢𝙞𝙣’𝙣𝙮 𝙁𝙖𝙧𝙞𝙩𝙧𝙖, 𝙝𝙖𝙝𝙖𝙛𝙖𝙝𝙖𝙣𝙖 𝙢𝙖𝙣𝙙𝙧𝙞𝙣𝙙𝙧𝙖 𝙣𝙮 𝙛𝙖𝙢𝙖𝙩𝙨𝙞𝙖𝙣𝙖 𝙨𝙮 𝙣𝙮 𝙩𝙨𝙚𝙣𝙖.

ANALAMANGA : Taorian’ny fifampiresehana tamin’ny Talem-paritry ny Fambolena sy ny Fahaleovantena ara-tsakafo Analamanga hahazoana ireo antontanisa momba ny vary vokatra ato anatin’ny Faritra dia nitodika tamin’ireo mpanangom-bokatra ny ao amin’ny Fitaleavam-paritry ny Varotra sy ny Fanjifana (DRCC). Natomboka ny antso amin’ny hakàn’izy ireo ny tahirim-bary gasy sy vary akotry. Mitohy koa ny fidinana eny amin’ny mpitoto vary hanadihadiana mikasika ny tahirim-bary. Anisan’ireo hanaovana fitsirihana momba ny tahirim-bary ny kaominina Mahitsy. Hisy koa ny fampivoriana ireo mpanangom-bokatra any Ankazobe.

IHOROMBE : Notanterahana ny 13 Jolay 2026 ny dinika niarahana tamin-dry zareo eo anivon’ny Tranoben’ny Tantsaha mba hahazoana ireo antotanisa momba ireo vary voatahiry any amin’ireo GCV rehetra ao anatin’ny Faritra Ihorombe. Nisy koa ny fidinana nijerena akaiky sy nanisana ireo tahirim-bary teny amin’ireo mpanangom-bokatra sy ireo toerana fitotoam-bary. Nozaraina tamin’izany ireo Didim-pitondrana mikasika ny fanangonana sy fitahirizam-bokatra ary nentanina ireo mpanangom-bokatra hanaja ny fitsipika rehetra. Mpanangom-bokatra 18 tao antampon-tanànan’Ihosy no voatsidika ny 13 Jolay 2026. Nitohy tany amin’ireo Fokontany sy Kaominina manodidina izany omaly.

ANDROY : Tao amin’ny Distrikan’Ambovombe no nanombohan’ny Fitaleavam-paritra ny fanazavana sy fizarana ny taratasy fanambaràna tahiry ho fanatanterahana ny Didim-pitondrana mikasika izany. Mpandraharaha 14 no efa nahazo ny taratasy fanambaràna tahiry tao Ambovombe. Ny Distrikan’i Bekily sy Antanimora Atsimo indray no toerana manaraka hanatanterahana izao hetsika izao.