Fiaraha-miasa

𝙉𝙤𝙩𝙖𝙣𝙩𝙚𝙧𝙖𝙝𝙖𝙣𝙖 𝙩𝙚𝙩𝙨𝙮 𝙖𝙢𝙞𝙣’𝙣𝙮 𝘾𝙖𝙧𝙡𝙩𝙤𝙣 𝘼𝙣𝙤𝙨𝙮 𝙣𝙮 𝙛𝙖𝙣𝙤𝙢𝙗𝙖𝙣𝙖𝙣𝙖 𝙣𝙮 𝙛𝙖𝙝𝙤𝙢𝙗𝙞𝙖𝙯𝙖𝙣𝙖 𝙖𝙣𝙠𝙖𝙥𝙤𝙗𝙚𝙣’𝙞𝙧𝙚𝙤 𝙩𝙚𝙩𝙞𝙠’𝙖𝙨𝙖 𝙫𝙖𝙩𝙨𝙞𝙖𝙣’𝙣𝙮 𝙑𝙤𝙣𝙙𝙧𝙤𝙣’𝙣𝙮 𝘽𝙖𝙣𝙠𝙮 𝙄𝙧𝙖𝙞𝙨𝙖𝙢-𝙥𝙞𝙧𝙚𝙣𝙚𝙣𝙖 𝙫𝙤𝙡𝙖.

Tanjona tamin’ity fihaonana ity ny handinihana ny fandrosoan’ireo tetikasa, ny vokatra azo ary ireo olana sedraina, mba hanatsarana sy hanafainganana ny fanatanterahana azy ireo, hampitomboana ny fiantraikany, hahazoana vokatra tsara ho an’ny fampandrosoana ny Firenena. Tafiditra ao anatin’izany ihany koa ny famolavolana fomba fiaraha-miasa mahomby eo amin’ny Governemanta Malagasy sy ny Banky Iraisam-pirenena, hanamorana ny fanatanterahana ireo tetikasa.

Nitarika io fivoriana io ny Minisitry ny Toekarena sy ny Fitantanam-bola (MEF) Herinjatovo Aimé RAMIARISON sy ny Solontena maharitry ny Banky Iraisam-pirenena eto Madagasikara, Atou Seck. Nanatrika sy nandray anjara tamin’izany ireo Minisitra sy tompon’andraikitra avy amin’ny Ministera isan-tsokajiny. Anisan’izany ny Minisiteran’ny Varotra sy Fanjifana (MinCC), izay nosoloin’ny Talen’ny Kabinetra, Navalona Rafanoharana RANDRIANAIVOJAONA, tena.

Nivoitra nandritra izany fa zava-dehibe ny fanatanterahana ara-potoana ireo tetikasa, indrindra fa ireo mifandraika amin’ny fotodrafitrasa toy ny lalana. Anisan’ireo sehatra nojerena manokana ny fanovana maharitra sy ny fanatsarana ny fahazoana angovo, ny fitaterana, ny fampandrosoana an-tanàn-dehibe, ny fiatrehana ny vokatry ny rivodoza Gezani sy Fitia, ny fahasalamam-bahoaka, ny fampitomboana ny vokatra ara-pambolena, indrindra amin’ny alalan’ny Tetikasa Riz Plus, ary ny fanatsarana ny fahazoana rano fisotro madio.