Salon International de l’Habitat

𝙎𝙚𝙝𝙖𝙩𝙧𝙖 𝙞𝙧𝙖𝙮 𝙝𝙖𝙝𝙖𝙛𝙖𝙝𝙖𝙣𝙖 𝙢𝙞𝙛𝙖𝙢𝙥𝙞𝙯𝙖𝙧𝙖 𝙩𝙧𝙖𝙞𝙠𝙚𝙛𝙖, 𝙢𝙞𝙛𝙖𝙣𝙖𝙠𝙖𝙡𝙤 𝙝𝙚𝙫𝙞𝙩𝙧𝙖 𝙖𝙧𝙮 𝙝𝙖𝙝𝙞𝙩à𝙣𝙖 𝙫𝙖𝙝𝙖𝙤𝙡𝙖𝙣𝙖 𝙚𝙤 𝙖𝙢𝙞𝙣’𝙣𝙮 𝙡𝙖𝙛𝙞𝙣’𝙣𝙮 𝙛𝙖𝙣𝙤𝙧𝙚𝙣𝙖𝙣𝙖.

Mandritra ny efatra andro no hampirantiana, eny amin’ny CCI Ivato, ireo tolotra sy vahaolana ho an’ireo liana amin’ny fanorenana trano. Anjatony ireo mpisehatra amin’ny taotrano sy fanorenana mandray anjara amin’ity hetsika ity.

Omaly 22 Oktobra no nosokafana tamin’ny fomba ofisialy ny andiany faha-27 amin’ny Salon International de l’Habitat (SIH) karakarain’ny Madavision. Anisan’ny mpiahy izany ny Minisiteran’ny Varotra sy ny Fanjifana (MinCC) izay nosoloin’ny Sekretera jeneraly Gilchrist RAKOTOSON tena nandritra ny lanonam-panokafana.

Ho an’ny Minisiteran’ny Varotra sy ny Fanjifana dia anisan’ny fanatanterahana ny iraka sahanin’ny Minisitera amin’ny fampiroborobona ny fifanakalozana ara-barotra eto an-toerana sy any ivelany ny fanohanana ny SIH.

Lohahevitry ny Salon International de l’Habitat 2026 ny hoe :  » 𝘔𝘢𝘥𝘢𝘨𝘢𝘴𝘪𝘬𝘢𝘳𝘢 𝘮𝘢𝘯𝘥𝘳𝘰𝘴𝘰, 𝘮𝘪𝘴𝘢𝘪𝘯𝘢 𝘴𝘺 𝘮𝘢𝘯𝘰𝘳𝘪𝘯𝘢 𝘵𝘰𝘦𝘳𝘢𝘮-𝘱𝘰𝘯𝘦𝘯𝘢𝘯𝘢 𝘩𝘰 𝘢𝘯’𝘯𝘺 𝘩𝘰 𝘢𝘷𝘺 « .

Ankoatra ny fandaharam-potoana samihafa dia anisan’ny hampiavaka ity foara izay tsy hifarana raha tsy amin’ny 25 Oktobra ity, ny fisian’ny « speed recruiting » ho an’ireo izay mitady asa eo amin’ny lafin’ny fanorenana.