Fankalazana ny 14 Oktobra nahaterahan’ny Repoblika voalohany

𝙈𝙖𝙣𝙖𝙤 𝙛𝙖𝙣𝙖𝙞𝙧𝙖𝙣𝙖 𝙣𝙮 𝙈𝙖𝙡𝙖𝙜𝙖𝙨𝙮 𝙝𝙤 𝙩𝙤𝙣𝙜𝙖 𝙨𝙖𝙞𝙣𝙖 𝙠𝙖 𝙝𝙞𝙚𝙯𝙖𝙠𝙖 𝙝𝙖𝙝𝙖𝙡𝙚𝙤 𝙩𝙚𝙣𝙖 𝙣𝙮 𝙁𝙞𝙡𝙤𝙝𝙖𝙣’𝙣𝙮 𝙁𝙖𝙣𝙖𝙫𝙖𝙤𝙯𝙖𝙣𝙖 𝙣𝙮 𝙍𝙚𝙥𝙤𝙗𝙡𝙞𝙠𝙖𝙣’𝙞 𝙈𝙖𝙙𝙖𝙜𝙖𝙨𝙞𝙠𝙖𝙧𝙖 (𝙋𝙍𝙍𝙈), 𝙆𝙤𝙡𝙤𝙣𝙚𝙡𝙮 𝙈𝙞𝙘𝙝𝙖ë𝙡 𝙍𝘼𝙉𝘿𝙍𝙄𝘼𝙉𝙄𝙍𝙄𝙉𝘼.

Fangataham-pitahiana sy vavaka manokana ho an’ny Firenena tao amin’ny EKAR Saint-Paul Ambalabe ao Antsohihy no nanombohana ny Fankalazana ny nahaterahan’ny Repoblika. Nanotrona izany ny Filohan’ny Fanavaozana mivady, ny Mpanolotsaina avon’ny Fanavaozana mirahalahy, mpikambana ao amin’ny Governemanta, manamboninahitra sivily sy miaramila ary olom-panjakana maro.

Tamin’izany no nitondran’ny Filohan’ny Fanavaozana, Kolonely Michaël RANDRIANIRINA, fanazavana manodidina ny fanavaozana ny fomba fiasa sy ny fanovana toe-tsaina tia kolikoly. Nambarany fa fotoana manan-tantara amin’ny Firenena izao ary ny olana ara-tsosialy no vahana fa tsy olana ara-politika.

Nankahery ny FFKM moa ny Filoha ao anatin’izao fikaonandoham-pirenena izao.

Tao Anjiamangirana, nandritra ny fitokanana ny EPP Philibert TSIRANANA nohavaozina dia mbola niantso fahatongavan-tsaina ho an’ny rehetra ihany ny Filoha. Nohamafisiny fa mila mifoha ary miezaka hahaleo tena, indrindra amin’ny lafiny toekarena fa tsy hiankin-doha ny Malagasy. « 𝘔𝘣𝘰𝘭𝘢 𝘰𝘭𝘰𝘯-𝘬𝘢𝘧𝘢 𝘯𝘰 𝘮𝘢𝘮𝘢𝘩𝘢𝘯𝘢 𝘢𝘯𝘵𝘴𝘪𝘬𝘢 𝘧𝘢 𝘮𝘪𝘭𝘢 𝘮𝘪𝘧𝘰𝘩𝘢 𝘪𝘴𝘪𝘬𝘢. 𝘔𝘪𝘭𝘢 𝘮𝘪𝘢𝘪𝘯𝘢 𝘢𝘮𝘪𝘯’𝘯𝘺 𝘩𝘢𝘳𝘦𝘯𝘢𝘯𝘵𝘴𝘪𝘬𝘢 », hoy izy.

Tamin’ny fihaonany tamin’ny vahoakan’Antsohihy sy Faritra Sofia teo amin’ny Kianja fanaovam-baolina ao Antsohihy, ny hariva kosa, no nilazan’ny Kolonely Michaël RANDRIANIRINA fa misy antony nisafidianana an’Antsohihy nanatanterahana izao fankalazana izao. Niainga avy any amin’ny Faritra Sofia ny fanirian’ny Malagasy hahaleo tena nefa tsy tanteraka.

Isika tsy handroso velively, hoy ny Filoha, raha mbola tsy miala eo ambany vahohon’ny fanjanahan-tany. « 𝘍𝘢𝘯𝘫𝘢𝘯𝘢𝘩𝘢𝘯-𝘵𝘢𝘯𝘺 𝘢𝘮𝘪𝘯’𝘯𝘺 𝘦𝘯𝘥𝘳𝘪𝘯𝘺 𝘷𝘢𝘰𝘷𝘢𝘰 𝘯𝘰 𝘪𝘢𝘯𝘢𝘯𝘵𝘴𝘪𝘬𝘢 𝘢𝘮𝘪𝘯’𝘪𝘻𝘢𝘰 « .

Nisy ny famaliany ampahibemaso ireo fangatahana sy hetahetan’ny mponina ao Antsohihy.

Manatrika ny Fankalazana ny 14 Oktobra any Antsohihy ny Minisitry ny Varotra sy ny Fanjifana (MinCC) Haingotiana ANDRIAMADISON.

Lohahevitra enti-manamarika izany ny hoe « 𝘍𝘢𝘩𝘢𝘧𝘢𝘩𝘢𝘯𝘢 : 𝘍𝘢𝘯𝘢𝘷𝘢𝘰𝘻𝘢𝘯𝘢 𝘩𝘰 𝘢𝘯’𝘯𝘺 𝘵𝘦𝘯𝘢 𝘍𝘢𝘩𝘢𝘭𝘦𝘰𝘷𝘢𝘯𝘵𝘦𝘯𝘢 𝘴𝘺 𝘍𝘢𝘯𝘥𝘳𝘰𝘴𝘰𝘢𝘯𝘢 ».

Ivon’ny fankalazana ny Matso ho tanterahina ao Antsohihy rahampitso 14 Oktobra 2026, aorian’ny fitsidihana any Anahidrano.