Salon International de l’alimentation

𝙈𝙞𝙧𝙚𝙣𝙩𝙞𝙧𝙚𝙣𝙩𝙮 𝙖𝙣𝙮 𝙖𝙢𝙞𝙣’𝙣𝙮 𝙎𝙄𝘼𝙇 𝙋𝙖𝙧𝙞𝙨 2026 𝙞𝙧𝙚𝙤 𝙫𝙤𝙠𝙖𝙩𝙧𝙖 𝙢𝙖𝙡𝙖𝙜𝙖𝙨𝙮 𝙩𝙤𝙮 𝙣𝙮 𝙡𝙖𝙫𝙖𝙣𝙞𝙡𝙖, 𝙠𝙖𝙠𝙖𝙤, 𝙢𝙚𝙣𝙖𝙠𝙖 𝙢𝙖𝙣𝙞𝙩𝙧𝙖 𝙖𝙯𝙤 𝙖𝙫𝙮 𝙖𝙢𝙞𝙣’𝙣𝙮 𝙯𝙖𝙫𝙖𝙢𝙖𝙣𝙞𝙧𝙮, 𝙥𝙖𝙩𝙮, 𝙡𝙖𝙛𝙖𝙧𝙞𝙣𝙞𝙣𝙖 𝙢𝙖𝙣𝙜𝙖𝙝𝙖𝙯𝙤, 𝙠𝙤𝙟𝙖𝙠𝙤𝙟𝙖 𝙠𝙤𝙨𝙢𝙚𝙩𝙞𝙠𝙖 𝙨𝙮 𝙫𝙤𝙠𝙖𝙩𝙧𝙖 𝙫𝙤𝙖𝙝𝙤𝙙𝙞𝙣𝙖, 𝙖𝙨𝙚𝙝𝙤𝙣’𝙣𝙮 𝙤𝙧𝙞𝙣𝙖𝙨𝙖 𝙢𝙖𝙡𝙖𝙜𝙖𝙨𝙮 10.

Nosokafana tamin’ny fomba ofisialy ny 17 Oktobra 2026 tao Parisy, Frantsa, ny SIAL Paris 2026 izay sokajiana ho iray amin’ireo hetsika iraisam-pirenena lehibe indrindra eo amin’ny sehatry ny sakafo sy ny indostrian’ny fanodinana vokatra ara-tsakafo. Mandray anjara amin’izany ny delegasiona malagasy, ahitana orinasa sy solontenan’ny Fitondram-panjakana.

Tanjona ny hampahafantatra sy hampiroborobo ny vokatra malagasy eo amin’ny tsena iraisam-pirenena.

Nampitain’ny Tale misahana ny Lafiny Lalàna (DAJ) eto amin’ny Ministeran’ny Varotra sy ny Fanjifana (MinCC) Lala RAVELONJOHANY, avy ny Parisy, fa tafiditra anatin’ny ezaka entina manohana ny sehatra tsy miankina, mampiroborobo ny vokatra Vita Malagasy ary manamafy ny toerana misy an’i Madagasikara eo amin’ny tsena iraisam-pirenena izao fandraisan’anjaran’ny MinCC amin’ny SIAL Paris 2026 izao. « 𝘚𝘦𝘩𝘢𝘵𝘳𝘢 𝘪𝘳𝘢𝘺 𝘩𝘢𝘯𝘰𝘬𝘢𝘧𝘢𝘯𝘢 𝘭𝘢𝘭𝘢𝘮-𝘣𝘢𝘳𝘰𝘵𝘳𝘢 𝘷𝘢𝘰𝘷𝘢𝘰 𝘬𝘰𝘢 𝘯𝘺 𝘚𝘐𝘈𝘓 », hoy izy.

Manohana ny fandraisan’anjaran’i Madagasikara amin’ny SIAL Paris 2026 ny Tetikasa PIC (Pôles Intégrés de Croissance) 3 izay vatsian’ny Banky Iraisam-pirenena vola.