Faritra Vakinankaratra

𝙉𝙖𝙣𝙖𝙩𝙖𝙣𝙩𝙚𝙧𝙖𝙠𝙖 𝙙𝙞𝙣𝙞𝙠’𝙖𝙨𝙖 𝙝𝙖𝙢𝙥𝙖𝙣𝙙𝙧𝙤𝙨𝙤𝙖𝙣𝙖 𝙞𝙧𝙚𝙤 𝙠𝙖𝙤𝙢𝙞𝙣𝙞𝙣𝙖 19 𝙖𝙤 𝙖𝙣𝙖𝙩𝙞𝙣’𝙣𝙮 𝘿𝙞𝙨𝙩𝙧𝙞𝙠𝙖𝙣’𝘼𝙢𝙗𝙖𝙩𝙤𝙡𝙖𝙢𝙥𝙮 𝙣𝙮 𝙈𝙞𝙣𝙞𝙨𝙞𝙩𝙧𝙖 𝙢𝙥𝙞𝙖𝙝𝙮 𝙣𝙮 𝙁𝙖𝙧𝙞𝙩𝙧𝙖, 𝙃𝙖𝙞𝙣𝙜𝙤𝙩𝙞𝙖𝙣𝙖 𝘼𝙉𝘿𝙍𝙄𝘼𝙈𝘼𝘿𝙄𝙎𝙊𝙉.

Tao amin’ny efitrano fanoratam-panambadiana ao amin’ny Lapan’ny Tanànan’Antanimasaka no nandraisan’ny Minisitry ny Varotra sy ny Fanjifana (MinCC) Haingotiana ANDRIAMADISON ireo Ben’ny Tanàna avy amin’ny kaominina ao amin’ny Distrikan’Ambatolampy. Nandray anjara tamin’ny dinik’asa ny Solombavambahoaka voafidy tao Ambatolampy, Miarintsoa Andriantsitonta RAKOTOMALALA, ny Lehiben’ny Faritra Vakinankaratra Nathalie Sébastienne RAVAONIRINA ary ny Lehiben’ny Distrikan’Ambatolampy.

Samy nilaza ny hetahetany avy ireo Ben’ny Tanàna fa ny tena iombonan’izy ireo, araka ny tenin’ny Ben’ny Tanànan’Antsampandrano, dia ny fanatsaràna ny lalana.

Nanome toky ny Minisitra Haingotiana ANDRIAMADISON fa hanao tatitra sy hamaky resaka momba an’ireo lafin-javatra navoitran’ny Ben’ny Tanàna ireo amin’ny tomponandraikitra tandrify. « 𝘌𝘧𝘢 𝘯𝘢𝘱𝘦𝘵𝘳𝘢𝘬𝘺 𝘯𝘺 𝘍𝘪𝘭𝘰𝘩𝘢𝘯’𝘯𝘺 𝘍𝘢𝘯𝘢𝘷𝘢𝘰𝘻𝘢𝘯𝘢𝘯𝘢 𝘯𝘺 𝘙𝘦𝘱𝘰𝘣𝘭𝘪𝘬𝘢𝘯’𝘪 𝘔𝘢𝘥𝘢𝘨𝘢𝘴𝘪𝘬𝘢𝘳𝘢 𝘧𝘢 𝘵𝘴𝘺 𝘮𝘪𝘴𝘺 𝘪𝘯𝘵𝘴𝘰𝘯𝘺 𝘯𝘺 𝘣𝘢𝘪𝘬𝘰 𝘮𝘪𝘥𝘪𝘯𝘢 𝘧𝘢 𝘮𝘪𝘢𝘪𝘯𝘨𝘢 𝘢𝘷𝘺 𝘢𝘷𝘺 𝘢𝘵𝘺 𝘪𝘧𝘰𝘵𝘰𝘯𝘺 𝘯𝘺 𝘥𝘳𝘢𝘧𝘪-𝘱𝘢𝘱𝘢𝘮𝘱𝘢𝘯𝘥𝘳𝘰𝘴𝘰𝘢𝘯𝘢 𝘮𝘣𝘢 𝘩𝘪𝘧𝘢𝘯𝘢𝘳𝘢𝘬𝘢 𝘵𝘴𝘢𝘳𝘢 𝘢𝘮𝘪𝘯’𝘯𝘺 𝘵𝘦𝘯𝘢 𝘧𝘪𝘭à𝘯’𝘯𝘺 𝘷𝘢𝘩𝘰𝘢𝘬𝘢 𝘴𝘺 𝘩𝘪𝘴𝘺 𝘧𝘪𝘢𝘯𝘵𝘳𝘢𝘪𝘬𝘢𝘯𝘺 𝘢𝘯𝘺 𝘢𝘮𝘪𝘯𝘺 », hoy izy raha nanazava izao fomba fiasa izao.

Ho an’ny kaominina Antanimasaka dia ho tonga amin’ny herinandro ny vary 30 taonina hanatanterahana asa tanamaro hampandrosoana eny ifotony.