𝙈𝙖𝙣𝙙𝙧𝙞𝙩𝙧𝙖 𝙣𝙮 𝙧𝙤𝙖 𝙖𝙣𝙙𝙧𝙤 𝙣𝙤 𝙝𝙖𝙣𝙖𝙩𝙖𝙣𝙩𝙚𝙧𝙖𝙝𝙖𝙣𝙖 𝙣𝙮 𝙝𝙚𝙩𝙨𝙞𝙠𝙖 𝙝𝙖𝙢𝙥𝙞𝙛𝙖𝙣𝙖𝙩𝙤𝙣𝙖𝙣𝙖 𝙞𝙧𝙚𝙤 𝙢𝙥𝙖𝙣𝙙𝙧𝙖𝙝𝙖𝙧𝙖𝙝𝙖 𝙖𝙫𝙮 𝙖𝙢𝙞𝙣’𝙣𝙮 𝙖𝙫𝙮 𝙖𝙩𝙨𝙮 𝙈𝙖𝙤𝙧𝙞𝙨𝙮 𝙨𝙮 𝙣𝙮 𝙖𝙫𝙮 𝙚𝙩𝙤 𝙈𝙖𝙙𝙖𝙜𝙖𝙨𝙞𝙠𝙖𝙧𝙖 𝙚𝙣𝙮 𝙖𝙢𝙞𝙣’𝙣𝙮 𝘾𝘾𝙄 𝙄𝙫𝙖𝙩𝙤.
Anisan’ny fanokafana lalana ho an’ireo vokatra malagasy, indrindra ireo vokatra avy amin’ny fambolena toy ny letisia sy ny jirofo ka hampitomboana ny fahafahana manondrana azy ireo mankany i Maurice ny Moris Mada Business Connect. Tsy izany ihany anefa fa tanjon’ny hetsika ny fampiroboroboana ny varotra, ny fiaraha-miasa ara-toekarena ary ny fampisam-bola eo amin’ny firenena roa tonta sy ireo firenena hafa aty amin’ny Ranomasimbe Indiana.
Tetsy amin’ny Campus Galaxy Andraharo no natao ny fihaonana fampahafantarana sy fanomanana ny Moris Mada Business Connect, niaraka tamin’ireo mpandray anjara sy mpiara-miombon’antoka ary mpikarakara toy ny Antenimieran’ny Varotra sy Indostria Maorisy – Madagasikara (CCIMM) sy ny Federasionan’ny Antenimieran’ny Varotra sy Indostria eto Madagasikara (FCCIM).
Nisolo tena ny Minisiteran’ny Varotra sy ny Fanjifana (MinCC) nandritra izany teny Andraharo ny Tale jeneralin’ny Varotra Ivelany (DGCE) Tiava RAJONSON.
Nambarany fa ity hetsika ity dia maneho ny finiavan’i Madagasikara sy Maorisy hanamafy hatrany ny fiaraha-miasa ary ny fifaneraserana ara-barotra sy ara-toekarena.
Anisan’ireo Minisitera mpiahy ny Moris Mada Business Connect ny Minisiteran’ny Varotra sy ny Fanjifana.
