Toekarena any amin’ny faritra

𝙉𝙖𝙣𝙤𝙠𝙖𝙩𝙧𝙖 𝙣𝙮 « 𝙁𝙤𝙞𝙧𝙚 𝙈𝙀𝙑𝘼 2026 » 𝙩𝙖𝙣𝙮 𝘼𝙣𝙩𝙨𝙞𝙧𝙖𝙣𝙖𝙣𝙖 𝙣𝙮 𝙈𝙞𝙣𝙞𝙨𝙞𝙩𝙧𝙮 𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖 (𝙈𝙞𝙣𝘾𝘾), 𝙃𝙖𝙞𝙣𝙜𝙤𝙩𝙞𝙖𝙣𝙖 𝘼𝙉𝘿𝙍𝙄𝘼𝙈𝘼𝘿𝙄𝙎𝙊𝙉

Tsy mijanona ho hetsika tsotra intsony ny Foire MEVA satria raha foaram-paritra (Foire Régionale) no niandohany, dia lasa Foara iraisam-pirenena (Foire Internationale) izany ankehitriny. Mitombo isan-taona ny fahatokisan’ireo mpandraharaha sy mpiara-miombon’antoka ny Foara MEVA izay porofon’ny firoboroboan’ny toekaren’ny Faritra DIANA sy ny fisokafan’i Madagasikara amin’ny fiaraha-miasa ara-toekarena.

Nankasitraka ny Antenimieran’ny Varotra sy Indostria (CCI) Antsiranana tarihin’ny Filohany Laou-Po Wing Wilfrid, mpikarakara ny Foire MEVA, ny Minisitry ny Varotra sy ny Fanjifana izay sady mpiahy ny hetsika nandritra ny lanonam-panokafana nanoloana ny Lapan’ny Tanàna.

Azon’ny rehetra tsidihana mandritra ny 4 andro ny tranoheva 115 hampirantian’ny orinasa sy mpandraharaha avy amin’ny faritra samihafa manerana an’i Madagasikara sy avy any Mayotte sy La Réunion. Misy koa ny dinidinika toy izay karakarain’ny EDBM (Economic Dvelopment Board of Madagascar) hiresahana ny momba ny tontolo manodidina ny fandraharahana any amin’ny Faritra DIANA. « 𝘐𝘻𝘢𝘰 𝘧𝘰𝘢𝘳𝘢 𝘪𝘻𝘢𝘰 𝘮𝘰𝘢 𝘥𝘪𝘢 𝘴𝘦𝘩𝘢𝘵𝘳𝘢 𝘩𝘪𝘧𝘢𝘮𝘱𝘪𝘻𝘢𝘳à𝘯𝘢 𝘴𝘺 𝘧𝘢𝘮𝘱𝘢𝘩𝘢𝘧𝘢𝘯𝘵𝘢𝘳𝘢𝘯𝘢 𝘪𝘳𝘦𝘰 𝘬𝘢𝘳𝘢𝘻𝘢𝘯𝘢 𝘧𝘢𝘮𝘱𝘪𝘰𝘧𝘢𝘯𝘢𝘯𝘢 𝘪𝘭𝘢𝘪𝘯𝘢, 𝘮𝘪𝘵𝘰𝘯𝘥𝘳𝘢 𝘩𝘰 𝘢𝘮𝘪𝘯’𝘯𝘺 𝘧𝘪𝘴𝘰𝘬𝘢𝘧𝘢𝘯𝘢 𝘢𝘮𝘪𝘯’𝘯𝘺 𝘵𝘴𝘦𝘯𝘢 𝘪𝘷𝘦𝘭𝘢𝘯𝘺 𝘴𝘺 𝘢𝘯𝘢𝘵𝘪𝘯𝘺 », hoy ny Minisitra Haingotiana ANDRIAMADISON.

Nambaran’ny Minisitry ny Varotra sy ny Fanjifana moa fa hahafantatra indrindra koa ny zava-misy any amin’ny faritra hahafahana mijery vahaolana sahaza no nandefasan’ny Filohan’ny Fanavaozana ny Repoblika sy ny Praiministra ny Minisitra toy izao.

Anisan’ireo nanotrona ny lanonam-panokafana ny Foire MEVA 2026 ny Filoha lefitry ny Antenimieram-pirenena Ibrahim ISSA sy Solombavambahoaka hafa, ny Lehiben’ny Faritra SAVA sy ny Prefen’Antsiranana.