Fanarenana ny seha-pihariana lavanila

𝙏𝙖𝙛𝙞𝙙𝙞𝙩𝙧𝙖 𝙩𝙖𝙣𝙩𝙚𝙧𝙖𝙠𝙖 𝙖𝙣𝙖𝙩𝙞𝙣’𝙣𝙮 𝙛𝙞𝙫𝙞𝙙𝙞𝙖𝙣𝙖𝙣𝙖 𝙡𝙖𝙫𝙖𝙣𝙞𝙡𝙖 𝙢𝙖𝙞𝙩𝙨𝙤 𝙚𝙣𝙮 𝙖𝙢𝙞𝙣’𝙣𝙮 𝙩𝙖𝙣𝙩𝙨𝙖𝙝𝙖 𝙢𝙥𝙖𝙢𝙗𝙤𝙡𝙮 𝙞𝙧𝙚𝙤 𝙤𝙧𝙞𝙣𝙖𝙨𝙖 𝙫𝙤𝙖𝙛𝙖𝙣𝙩𝙞𝙣𝙖 𝙝𝙞𝙖𝙧𝙖-𝙝𝙞𝙖𝙨𝙖 𝙖𝙢𝙞𝙣’𝙣𝙮 𝘼𝙑𝙈 (𝘼𝙡𝙡𝙞𝙖𝙣𝙘𝙚 𝙥𝙤𝙪𝙧 𝙡𝙖 𝙑𝙖𝙣𝙞𝙡𝙡𝙚 𝙈𝙖𝙡𝙖𝙜𝙖𝙨𝙮) 𝙖𝙣𝙮 𝙖𝙢𝙞𝙣’𝙣𝙮 𝙁𝙖𝙧𝙞𝙩𝙧𝙖 𝙎𝙤𝙛𝙞𝙖 𝙨𝙮 𝘿𝙄𝘼𝙉𝘼.

Lavanila maitso 2300kg no voaangon’ny orinasa iray vita fifanarahana tamin’ny AVM tao amin’ny fokontany Ampombirejy, kaominina Ambodisikidy, any amin’ny distrikan’i Bealanana omaly Alarobia 29 Jolay 2026. Hitohy anio izany fividianana lavanila mivantana amin’ny tantsaha mpamboly ao Ampombirejy izany.

Ny Alatsinainy 27 Jolay 2026 lasa teo dia tantsaha mpamokatra 28 koa no efa nisitraka ny fanapahan-kevitry ny Filankevi-pitantanan’ny AVM tao amin’ny Fokontany Ambodimadiro, kaominina Antanagnivo, distrikan’i Bealanana ka nahalafo lavanila maitso 790kg tamin’ny orinasa miara-miasa amin’ny AVM. Ny 470kg tamin’izany dia lavanila maitso lava raha 320kg ny fohy.

Mbola hitohy amin’ny kaominina hafa ny fividianan’ireo mpandraharaha nalefan’ny AVM ireo lavanila maitso amin’ny vidiny 10000Ar ny lavanila maitso lava sy 5000Ar ny lavanila maitso fohy.

Ho an’ny Faritra DIANA dia natomboka tamin’ny fividianan’ny AVM lavanila voaomana tamin’ireo mpandraharaha mpikarakara mpanondrana ny fiaraha-miasa. Orinasa roa dia ny Société LA GOUSSE DOREE SARL sy ANTONI STEPHIN no nanatanterahana izany tao Ambanja ny Alatsinainy 27 Jolay 2026. Lavanila mena sy mainty efa vonona amin’ny fanondranana ireo nifampivarotana ireo.