Fanehoana firaisankina tao anatin’ny halavirana 2,8 km niala teo amin’ny Coliseum Analamahitsy hatreny amin’ny Stade Alarobia
Anisan’ny nandray anjara tamin’izany ny Mpanolotsaina avon’ny Fanavaozana ny Repoblikan’i Madagasikara, Kolonely Thierry RAMPANARIVO, ny Filohan’ny Antenimieram-pirenena Siteny RANDRIANASOLONIAIKO, ny Praiminisitra Mamitiana RAJAONARISON izay nitarika ireo mpikambana ao amin’ny Governemanta, nahitana ny Minisitry ny Varotra sy ny Fanjifana (MinCC) Haingotiana ANDRIAMADISON.
Nandray fiaingana teny Analamahitsy koa ny mpiara-miasa eto anivon’ny Minisiteran’ny Varotra sy ny Fanjifana.
Nitohy tamin’ny Zumba 
sy lalao baolina kitra ara-pirahalahiana Match de Gala 
nifanandrinan’ny Governemanta sy ny Hery Fiarovana sy Filaminana (FDS) ny fandaharam-potoana.
Nisy koa ny Lalao famaranana baolina kitra ho an’ny Fokontany, nanolorana amboara ho an’ny mendrika.
Izany rehetra izany dia tafiditra anatin’ny hetsika ho fankalazana ny tsingerin-taona faha-66 niverenan’ny Fahaleovantenan’i Madagasikara sy nijoroan’ny Foloalindahy.
