Taom-piotazana lavanila maitso

𝙉𝙞𝙖𝙠𝙖𝙩𝙧𝙖 𝙝𝙖𝙩𝙧𝙖𝙣𝙮 𝙖𝙢𝙞𝙣’𝙣𝙮 11000𝘼𝙧 𝙝𝙖𝙩𝙧𝙖𝙢𝙞𝙣’𝙣𝙮 13000𝘼𝙧 𝙣𝙮 𝙫𝙞𝙙𝙞𝙣’𝙣𝙮 𝙡𝙖𝙫𝙖𝙣𝙞𝙡𝙖 𝙢𝙖𝙞𝙩𝙨𝙤 𝙖𝙣𝙮 𝘼𝙢𝙗𝙤𝙙𝙞𝙫𝙤𝙝𝙞𝙩𝙧𝙮 𝙆𝙤𝙗𝙖𝙝𝙞𝙣𝙖, 𝙠𝙖𝙤𝙢𝙞𝙣𝙞𝙣𝙖 𝘼𝙢𝙗𝙖𝙡𝙖𝙢𝙖𝙣𝙖𝙨𝙮 𝙄𝙄 𝙖𝙣𝙮 𝘼𝙣𝙙𝙖𝙥𝙖 𝙫𝙤𝙠𝙖𝙩𝙧𝙮 𝙣𝙮 𝙛𝙞𝙛𝙖𝙣𝙞𝙣𝙖𝙣𝙖𝙣𝙖 𝙚𝙤 𝙖𝙢𝙞𝙣’𝙞𝙧𝙚𝙤 𝙤𝙧𝙞𝙣𝙖𝙨𝙖 𝙢𝙥𝙞𝙫𝙞𝙙𝙮.

Nanatsara ny vidin’ny lavanila maitso eny amin’ny mpamokatra ny fifaninanana vokatry ny firotsahan’ireo orinasa mpividy lavanila nisitraka ny volan’ny AVM (Alliance pour la Vanille Malagasy) any amin’ny Faritra SAVA. Samy tonga any Ambodivohitry Kobahina avokoa ny Épices des îles, Neil Vanilla, Raveloson Jérôme, Coopérative KOTAMI, Bio Manaivo.

Raha 10000Ar no vidy ividianana ny lavanila maitso iray kilao dia tafakatra 11000Ar – 13000 Ar izany.

Ny Société Symrise, ohatra, dia nividy lavanila tamin’ny 12000Ar/kg tany amin’ ireo mpikambana ao aminy.

Namoaka ny vokatra any aminy koa ny tantsaha ka tombanana ho any amin’ny 20 taonina any ho any izany ao Ambodivohitry Kobahina.

Hentitra ny fanaraha- maso ataon’ny Fitaleavam-paritry ny Varotra sy ny Fanjifana (DRCC) SAVA mba tena hipaka any amin’ny mpamboly izany fihatsaran’ny vidim-bokatra izany. «𝘈𝘮𝘪𝘯’𝘯𝘺 𝘵𝘴𝘦𝘯𝘢 𝘷𝘰𝘢𝘵𝘰𝘬𝘢𝘯𝘢 𝘪𝘩𝘢𝘯𝘺 𝘯𝘰 𝘢𝘯𝘢𝘰𝘷𝘢𝘯𝘢 𝘯𝘺 𝘧𝘪𝘧𝘢𝘮𝘱𝘪𝘷𝘢𝘳𝘰𝘵𝘢𝘯𝘢. 𝘛𝘴𝘺 𝘢𝘻𝘰 𝘦𝘬𝘦𝘯𝘢 𝘮𝘪𝘩𝘪𝘵𝘴𝘺 𝘯𝘺 𝘮𝘪𝘷𝘢𝘳𝘰𝘵𝘳𝘢 𝘢𝘯𝘦𝘭𝘢𝘬𝘦𝘭𝘢𝘯-𝘵𝘳𝘢𝘯𝘰», hoy ny Talem-paritra Rosemine Célestine RAMAMONJISOA.

Any amin’ny Faritra Atsinanana dia nanomboka ny 27 Aogositra 2026 koa ny fividianana lavanila maitso ataon’ny Société RJD Spices Vanilla amin’ny volan’ny AVM. Tao antampon-tanànan’i Brickaville no nanatanterahana izany ary hitohy manaraka ny tetiandro any amin’ny distrika hafa ao anatin’ny Faritra Atsinanana.