Fitsinjovana ny mpanjifa

𝙉𝙖𝙢𝙥𝙞𝙖𝙩𝙤𝙖𝙣𝙖 𝙫𝙤𝙣𝙟𝙞𝙢𝙖𝙞𝙠𝙖 𝙣𝙮 𝙛𝙖𝙢𝙥𝙞𝙝𝙖𝙧𝙖𝙣𝙖 𝙣𝙮 𝙝𝙖𝙗𝙖𝙣-𝙩𝙨𝙚𝙧𝙖𝙣𝙖𝙣𝙖 𝙨𝙮 𝙣𝙮 𝙝𝙚𝙩𝙧𝙖 𝙖𝙢𝙞𝙣’𝙣𝙮 𝙛𝙖𝙣𝙖𝙛𝙖𝙧𝙖𝙣𝙖 𝙫𝙖𝙧𝙮. Mitondra fanazavana ny Minisitry ny Varotra sy ny Fanjifana (MinCC) Haingotiana ANDRIAMADISON.

Mbola tsy ampy hamaliana ny filan’ny mpanjifa malagasy ny voka-bary eto an-toerana. Tsy maintsy tsentsenana amin’ny vary hafarana izay fahabangana izay, indrindra moa fa hiditra amin’ny vanim-potoanan’ny maitso ahitra isika afaka iray volana eo ho eo.

Izany indrindra no antony nandraisan’ny Filankevitry ny Minisitra omaly Alarobia 19 Aogositra 2026 ny fanapahan-kevitra nampiatoana vonjimaika ny fakàna haban-tseranana sy hetra amin’ny fanafarana vary avy any ivelany, araka ny fanazavan’ny Minisitry ny Varotra sy ny Fanjifana (MinCC) Haingotiana ANDRIAMADISON.

« 𝘔𝘢𝘯𝘰𝘮𝘦 𝘵𝘰𝘬𝘺 𝘢𝘯𝘦𝘧𝘢 𝘪𝘻𝘢𝘩𝘢𝘺 𝘧𝘢 𝘦𝘵𝘰 𝘢𝘮𝘪𝘯’𝘯𝘺 𝘔𝘪𝘯𝘪𝘴𝘪𝘵𝘦𝘳𝘢𝘯’𝘯𝘺 𝘝𝘢𝘳𝘰𝘵𝘳𝘢 𝘴𝘺 𝘯𝘺 𝘍𝘢𝘯𝘫𝘪𝘧𝘢𝘯𝘢 𝘧𝘢 𝘵𝘴𝘺 𝘩𝘪𝘴𝘺 𝘢𝘬𝘰𝘳𝘺 𝘯𝘺 𝘧𝘢𝘯𝘢𝘧𝘢𝘳𝘢𝘯𝘢 𝘷𝘢𝘳𝘺 𝘨𝘢𝘣𝘰𝘳𝘢𝘳𝘢𝘬𝘢 », hoy ny Minisitra.

Ho tohizana, araka izany, ny fepetra efa nampiharina nanomboka ny volana Martsa 2026 ka tsy maintsy manambara mialoha amin’ny Minisiteran’ny Varotra ny vinavinany hanafatra vary ireo mpandraharaha matihanina amin’izany. Anjara andraikitry ny Minisitera, rehefa maharay ny fampahafantarana no mijery mankatoa na mametra ny habetsahan’ny vary hafarana mba tsy hisian’ny fanafarana gaboraraka.

Manoloana ny fitarainan’ny mpamboly vary amin’ny fitotonganan’ny vidin’ny vary akotry teo aloha teo dia nanome toky ny Minisitra Haingotiana ANDRIAMADISON fa tsy mijery mitanila akory ny Fitondram-panjakana raha nandray izao fanapahan-kevitra fampiatoana vonjimaika ny haban-tseranana sy hetra amin’ny fanafaram-bary izao.

Efa voarakitra ao anatin’ny Politika ankapoben’ny Fanjakana ny fialana tsikelikely amin’ny fiankinan-doha amin’ny fanafarana vary avy any ivelany.

« 𝘌𝘧𝘢 𝘮𝘪𝘴𝘺 𝘯𝘺 𝘦𝘻𝘢𝘬𝘢 𝘯𝘢𝘵𝘢𝘰 𝘩𝘢𝘯𝘰𝘮𝘦𝘻𝘢𝘯𝘢 𝘵𝘢𝘯𝘵𝘴𝘰𝘳𝘰𝘬𝘢 𝘯𝘺 𝘵𝘢𝘯𝘵𝘴𝘢𝘩𝘢 𝘵𝘰𝘺 𝘯𝘺 𝘧𝘢𝘮𝘱𝘪𝘢𝘴𝘢𝘯𝘢 𝘯𝘺 𝘖𝘳𝘪𝘯𝘢𝘴𝘢𝘮-𝘱𝘢𝘯𝘫𝘢𝘬𝘢𝘯𝘢 𝘚𝘗𝘔 𝘵𝘢𝘮𝘪𝘯’𝘯𝘺 𝘧𝘪𝘷𝘪𝘥𝘪𝘢𝘯𝘢𝘯𝘢 𝘮𝘪𝘷𝘢𝘯𝘵𝘢𝘯𝘢 𝘷𝘢𝘳𝘺 𝘢𝘬𝘰𝘵𝘳𝘺 𝘵𝘦𝘯𝘺 𝘢𝘮𝘪𝘯’𝘪𝘳𝘦𝘰 𝘮𝘱𝘢𝘯𝘰𝘬𝘢𝘵𝘳𝘢 𝘪𝘳𝘦𝘰, 𝘢𝘮𝘪𝘯’𝘯𝘺 𝘷𝘪𝘥𝘪𝘯𝘺 𝘵𝘴𝘺 𝘮𝘢𝘩𝘢𝘧𝘢𝘵𝘪𝘢𝘯𝘵𝘰𝘬𝘢 𝘢𝘻𝘺 », hoy ihany ny Minisitry ny Varotra sy ny Fanjifana.

Naneho fankasitrahana ny Filohan’ny Fanavaozana ny Repoblikan’i Madagasikara (PRRM) sy ny Praiminisitra moa izy tamin’ny fankatoavana ny fanomezana ny SPM ny enti-manana (subvention) hahafahany manohy ny asany amin’ny fandrindràna ny tsena sy ny vidin’ny vary.

Tamin’ny herinandro lasa teo moa dia nivoaka koa ny Didim-panjakana entina mampihatra ny Lalàna mifehy ny Fifaninanana ka hahafahana manara-maso ny vidin’entana, tsy hisian’ny fanararaotana sy fakàna tombony mihoapampana.