Fiaraha-miasa Madagasikara-Rosia

𝙏𝙖𝙛𝙖𝙫𝙚𝙧𝙞𝙣𝙖 𝙖𝙣-𝙩𝙖𝙣𝙞𝙣𝙙𝙧𝙖𝙯𝙖𝙣𝙖 𝙖𝙧𝙮 𝙣𝙤𝙩𝙨𝙚𝙣𝙖𝙞𝙣𝙖 𝙩𝙚𝙣𝙮 𝙖𝙢𝙞𝙣’𝙣𝙮 𝙎𝙚𝙧𝙖𝙣𝙖𝙢-𝙥𝙞𝙖𝙧𝙖𝙢𝙖𝙣𝙞𝙙𝙞𝙣𝙖 𝙄𝙫𝙖𝙩𝙤 𝙞 𝙏𝙤𝙟𝙤 𝙨𝙮 𝙏𝙚𝙙𝙙𝙮 𝙧𝙚𝙝𝙚𝙛𝙖 𝙖𝙫𝙮 𝙣𝙞𝙩𝙨𝙖𝙗𝙤 𝙩𝙚𝙣𝙖 𝙩𝙖𝙣𝙮 𝙍𝙤𝙨𝙞𝙖.

Ankoatran’ny fianakavian’izy roalahy dia tonga nandray an’i Tojo sy Teddy teny am-pahatongavana ny Talen’ny Kabinetra sy ny Tale jeneraly eto anivon’ny Minisiteran’ny Varotra sy ny Fanjifana (MinCC), ny Talen’ny Kabinetran’ny Minisiteran’ny Mponina sy ny Firaisankina (MPS) ary ny Mpiandraiki-draharaha vonjimaika ao amin’ny Masoivoho rosiana.

Nambaran’ny diplomaty rosiana Alexeï BURIAK teny Ivato fa anatin’ny dingana fampivelarana ny fiaraha-miasa eo amin’ny Federasionan’i Rosia sy i Madagasikara no isian’izao fifanomezan-tanana izao.

Vita soa aman-tsara ny fandidiana an’i Tojo, tratran’ny fahapoizinana ara-tsakafo teny Ambohimalaza sy i Teddy, mpaka sary voatifitra tamin’ireny toe-draharaham-pirenena ny volana Oktobra 2025 ireny.

Ny Filohan’ny Fanavaozana ny Repoblikan’i Madagasikara (PRRM), ny Kolonely Michaël RANDRIANIRINA moa no nanao ny fandresen-dahatra ny ankilany Rosiana amin’ny handefasana azy roalahy hanohy fitsaboana any Rosia. Namaly izany ny Fanjakana rosiana ka niantoka ny fandaniana rehetra.