Lapan’i Tsimbazaza

𝙉𝙤𝙨𝙤𝙠𝙖𝙛𝙖𝙣𝙖 𝙣𝙮 𝙛𝙞𝙫𝙤𝙧𝙞𝙖𝙣𝙖 𝙖𝙧𝙖-𝙥𝙤𝙩𝙤𝙖𝙣𝙖 𝙛𝙖𝙝𝙖𝙧𝙤𝙖𝙣’𝙣𝙮 𝘼𝙣𝙩𝙚𝙣𝙞𝙢𝙞𝙚𝙧𝙖𝙢-𝙥𝙞𝙧𝙚𝙣𝙚𝙣𝙖 𝙞𝙯𝙖𝙮 𝙝𝙖𝙣𝙙𝙞𝙣𝙞𝙝𝙖𝙣𝙖 𝙞𝙣𝙙𝙧𝙞𝙣𝙙𝙧𝙖 𝙣𝙮 𝙫𝙤𝙡𝙖𝙫𝙤𝙡𝙖𝙣-𝙙𝙖𝙡à𝙣𝙖 𝙢𝙞𝙛𝙚𝙝𝙮 𝙣𝙮 𝙏𝙚𝙩𝙞𝙗𝙤𝙡𝙖𝙢-𝙥𝙖𝙣𝙟𝙖𝙠𝙖𝙣𝙖 𝙝𝙤 𝙖𝙣’𝙣𝙮 𝙩𝙖𝙤𝙣𝙖 2027.

Nambaran’ny Filohan’ny Antenimieram-pirenena, Siteny RANDRIANASOLONIAIKO, nandritra ny lahateniny fa fitaovana lehibe hanatanterahana ny politikam-panjakana ankapobeny ka hamahana ireo olana misy eto amin’ny firenena, ary hiantoka ny fanavaozana andrandrain’ny vahoaka malagasy ny volavolan-dalàna mifehy ny Tetibolam-panjakana.

Hisy koa anefa volavolan-dalàna hafa ary mety hisy ny fiantsoana mpikambana ao amin’ny Governemanta hifanatrika amin’ny solombavambahoaka.

Nanotrona ity lanonam-panokafana fivoriana ara-potoana teny Tsimbazaza ity ny Praiministra Mamitiana RAJAONARISON sy ireo mpikambana ao amin’ny Governemantany, nahitana ny Minisitry ny Varotra sy ny Fanjifana (MinCC) Haingotiana ANDRIAMADISON. Teo koa ireo Lehiben’Andrimpanjakana sy Rafitra mijoro araka ny Lalàmpanorenana.