Fahapoizinana ara-tsakafo

𝙉𝙞𝙙𝙞𝙣𝙖 𝙖𝙫𝙮 𝙝𝙖𝙩𝙧𝙖𝙣𝙮 𝙩𝙚𝙣𝙮 𝙖𝙢𝙞𝙣’𝙣𝙮 𝙊𝙧𝙞𝙣𝙖𝙨𝙖 𝙆𝙤𝙣𝙚𝙘𝙩𝙖 𝙚𝙣𝙮 𝙄𝙫𝙖𝙣𝙙𝙧𝙮 𝙣𝙖𝙠𝙖 𝙨𝙞𝙣𝙜𝙖 𝙝𝙖𝙡𝙚𝙛𝙖 𝙝𝙤 𝙩𝙞𝙡𝙞𝙖𝙣𝙖 𝙖𝙣𝙮 𝙖𝙢𝙞𝙣’𝙣𝙮 𝙡𝙖𝙗𝙤𝙧𝙖𝙩𝙤𝙖𝙧𝙖 𝙣𝙮 𝙈𝙞𝙣𝙞𝙨𝙞𝙩𝙚𝙧𝙖𝙣’𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖 (𝙈𝙞𝙣𝘾𝘾). 𝙉𝙖𝙠𝙖𝙩𝙤𝙣𝙖 𝙣𝙮 𝙡𝙖𝙠𝙤𝙯𝙞𝙖𝙣’𝙣𝙮 𝙩𝙤𝙚𝙧𝙖𝙢-𝙥𝙞𝙖𝙨𝙖𝙠𝙖𝙛𝙤𝙖𝙣’𝙣𝙮 𝙤𝙧𝙞𝙣𝙖𝙨𝙖. 𝙉𝙤𝙜𝙞𝙖𝙯𝙖𝙣𝙖 𝙩𝙨𝙮 𝙝𝙤 𝙖𝙯𝙤 𝙖𝙢𝙥𝙞𝙖𝙨𝙖𝙞𝙣𝙖 𝙠𝙤𝙖 𝙣𝙮 𝙫𝙖𝙩𝙖 𝙛𝙖𝙢𝙥𝙖𝙣𝙜𝙖𝙩𝙨𝙞𝙖𝙝𝙖𝙣𝙖 𝙨𝙖𝙠𝙖𝙛𝙤.
🚑Nalefa haingana eny amin’ny Hopitaly HJRA Ampefiloha sy eny amin’ny Hopitaly Andohatapenaka ireo marary tratry ny fahapoizinana ara-tsakafo teny Ivandry. Nijery ny zava-nisy sy nandray fepetra mifanandrify, na teny amin’ny foiben’ny orinasa na teny amin’ny hopitaly ny avy amin’ny Foibem-pitondrana misahana ny Fiarovana ny mpanjifa (DPC) sy ny Fitaleavam-paritry ny Varotra sy ny Fanjifana (DRCC) Analamanga.
🔬Samy nakàna singa avokoa ny ambin-tsakafo sisa tsy lany tao Ivandry toy ny trondro sy saosisy, niampy ny menaka nampiasaina, salade de fruits ka halefa hatao fitiliana any amin’ny ACSSQDA eo anivon’ny Minisiteran’ny Fahasalamam-bahoaka. Nakatona vonjimaika ny lakozian’ny orinasa ary nogiazana tsy navela ho ampiasaina koa ny vata fampangatsiahana izay hita fa tsy nanaraka ny fenitra teo amin’ny hatsiaka ilaina amin’ny fitehirizana sakafo.
💬Ny trondro niaraka tamin’ny saosy sy salade de pomme de terre no mety nahatonga ny fahapoizinana ara-tsakafo araka ny fitantaran’ireo marary. « Ny valin’ny fitiliana eny amin’ny laboratoara no ahitana ny tena fototry ny fahapoizinana ara-tsakafo », hoy ny Talem-paritry ny Varotra sy ny Fanjifana Analamanga, Teddy MAHALANONA nandritra ny fidinany sy ny ekipany teny amin’ny HJRA Ampefiloha.
Natsahatry ny orinasa KONECTA avy hatrany moa ilay mpikarakara sakafo ho an’ny mpiasa.
✅Tato anatin’ny volana maromaro dia nanamafy ny fanentanana sy ny fanaraha-maso, hisorohana ny tranga fahapoizinana ara-tsakafo sy iadiana amin’ny fiparitahan’ny entana lany daty sy simba ny Minisiteran’ny Varotra sy ny Fanjifana, araka ny toromariky ny Minisitra Haingotiana ANDRIAMADISON.