Fanjifana

𝙉𝙞𝙖𝙙𝙞𝙖𝙣-𝙠𝙚𝙫𝙞𝙩𝙧𝙖 𝙩𝙚𝙩𝙨𝙮 𝘼𝙢𝙗𝙤𝙝𝙞𝙙𝙖𝙝𝙮 𝙣𝙮 𝙛𝙤𝙢𝙗𝙖 𝙝𝙖𝙢𝙚𝙧𝙖𝙣𝙖 𝙣𝙮 𝙨𝙖𝙣𝙙𝙖 𝙖𝙢𝙥𝙞𝙝𝙖𝙧𝙞𝙣𝙖 𝙖𝙢𝙞𝙣’𝙞𝙧𝙚𝙤 𝙫𝙤𝙠𝙖𝙩𝙧𝙖 𝙛𝙞𝙝𝙞𝙣𝙖𝙣𝙖 𝙝𝙖𝙛𝙖𝙧𝙖𝙣𝙖, 𝙢𝙞𝙙𝙞𝙩𝙧𝙖 𝙚𝙣𝙮 𝙖𝙢𝙞𝙣’𝙣𝙮 𝙨𝙚𝙧𝙖𝙣𝙖𝙣𝙖, 𝙨𝙮 𝙣𝙮 𝙛𝙞𝙖𝙣𝙩𝙧𝙖𝙞𝙠𝙖𝙣’𝙞𝙯𝙖𝙣𝙮 𝙚𝙤 𝙖𝙢𝙞𝙣’𝙣𝙮 𝙫𝙞𝙙𝙞𝙣’𝙞𝙧𝙚𝙤 𝙚𝙣𝙩𝙖𝙣𝙖 𝙚𝙣𝙮 𝙖𝙣-𝙩𝙨𝙚𝙣𝙖 𝙚𝙩𝙤 𝙖𝙣-𝙩𝙤𝙚𝙧𝙖𝙣𝙖.

Niantsoan’ny Minisiteran’ny Varotra sy ny Fanjifana (MinCC) ny Foibem-pitondrana ankapoben’ny Fadintseranana sy ny Fahefam-pirenena misahana ny Fepetra fanitsiana ara-barotra (ANMCC) ny dinika momba ny sanda nifanarahana (valeurs concertées) mikasika ireo vokatra ara-tsakafo hafarana, indrindra ny ronono mandry, ny paty ary ny bisky. Mety hampiakatra ny masonkarenan’ny fanafarana mantsy ny fampiharana sanda nifanarahana avo loatra ka mety hiteraka fiakaran’ny vidin’ireo vokatra eny an-tsena izany.

Nitarika ny fivoriana ny Sekretera jeneralin’ny Minisiteran’ny Varotra sy ny Fanjifana, Gilchrist RAKOTOSON. Nandray anjara tamin’ny dinika koa ny avy amin’ny Foibem-pitondrana misahana ny Fiarovana ny mpanjifa (DPC), ary ny Foibem-pitondran’ny Fifaninanana sy ny Fandrindrana ny tsena (DCRM).

Ho an’ny Minisiteran’ny Varotra sy ny Fanjifana dia tanjona

– ny fiarovana ny mpanjifa,

– ny fitazonana ny vidin’ireo vokatra ilain’ny mponina andavanandro (PPN) ho marin-toerana,

– ny fiarovana ny sehatra famokarana eto an-toerana,

– ny fitandroana ny fifaninanana ara-drariny sy ara-pahasalamana eo amin’ny vokatra eto an-toerana sy ireo vokatra hafarana.

Tsy maintsy arindra amin’ny fiheverana ireo fepetra takian’ny fidiram-bolam-panjakana sy ny fanaraha-maso ataon’ny Fadintseranana anefa izany rehetra izany.