Vaovaon’ny Fitaleavam-paritry ny Varotra sy ny Fanjifana (DRCC)

𝙃𝙚𝙣𝙩𝙞𝙩𝙧𝙖 𝙖𝙢𝙞𝙣’𝙣𝙮 𝙛𝙞𝙥𝙖𝙧𝙞𝙩𝙖𝙝𝙖𝙣’𝙣𝙮 𝙚𝙣𝙩𝙖𝙣𝙖 𝙡𝙖𝙣𝙮 𝙙𝙖𝙩𝙮 𝙞𝙯𝙖𝙮 𝙢𝙚𝙩𝙮 𝙝𝙞𝙩𝙚𝙧𝙖𝙠𝙖 𝙛𝙖𝙝𝙖𝙥𝙤𝙞𝙯𝙞𝙣𝙖𝙣𝙖 𝙖𝙧𝙖-𝙩𝙨𝙖𝙠𝙖𝙛𝙤 𝙣𝙮 𝙈𝙞𝙣𝙞𝙨𝙞𝙩𝙚𝙧𝙖𝙣’𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖 (𝙈𝙞𝙣𝘾𝘾). 𝙇𝙚𝙫𝙤𝙣𝙞𝙣𝙖 𝙢𝙗𝙖 𝙩𝙨𝙮 𝙝𝙤 𝙩𝙤𝙣𝙜𝙖 𝙖𝙣𝙮 𝙖𝙢𝙞𝙣’𝙣𝙮 𝙢𝙥𝙖𝙣𝙟𝙞𝙛𝙖 𝙞𝙣𝙩𝙨𝙤𝙣𝙮 𝙞𝙧𝙚𝙣𝙮 𝙚𝙣𝙩𝙖𝙣𝙖 𝙞𝙧𝙚𝙣𝙮 𝙧𝙚𝙝𝙚𝙛𝙖 𝙫𝙞𝙩𝙖 𝙣𝙮 𝙛𝙤𝙢𝙗𝙖𝙛𝙤𝙢𝙗𝙖 𝙖𝙧𝙖-𝙥𝙖𝙣𝙟𝙖𝙠𝙖𝙣𝙖 𝙧𝙚𝙝𝙚𝙩𝙧𝙖.

ATSIMO ANDREFANA : Katsaka efa simba 166 lasaka no hitan’ny mpanara-maso avy amin’ny Fitaleavam-paritry ny Varotra sy ny Fanjifana Atsimo Andrefana nandritra ny fitsirihana natao tao amin’ny trano fitehirizan’entana iray tao Andranomena, Kaominina Betsinjaka, Toliara 2 tamin’ny Alakamisy 10 Septambra 2026. Nogiazana avy hatrany ireo entana ireo ary nampiantsoina ho tonga eny amin’ny biraon’ny Fitaleavam-paritra ny tompon’andraikitra. Teo am-panaovana fanavahana ny katsaka moa ireo mpiasa no tratran’ny mpanara-maso.

AMORON’I MANIA : Ny Zoma 11 Septambra 2026 lasa teo no nanatanterahana tao Ambositra ny fandoroana entana lany daty nogiazana, vokatry ny fisavana nataon’ny ekipan’ny Fitaleavam-paritry ny Varotra sy ny Fanjifana Amoron’i Mania. Nahitana karibonetra, bisky, zava-pisotro, savony, vovon-tsavony, yaourt, dibera, paty, cracky sy zavatra hafa koa ireo entana ireo. Mitentina 3032000Ar izy rehetra. Nanatrika ny fandevonana ireo entana lany daty ireo ny teo anivon’ny Fokontany, ny Prefektiora ary ny Zandarimaria.

ALAOTRA MANGORO : Entana lany daty nogiazana ny taona 2025 sy 2026 koa no nopotehina sy nodorana tao Ambatondrazaka ny Alarobia 9 Septambra 2026. Anisan’ireo nandraisana fepetra ireo ny ronono mandry 5 baoritra, ranom-boankazo 10 baoritra ary vatomamy misy tahony 5 fonosana. 820000Ar no teti-bidin’ireo entana nolevonina ireo.