Fananganan-tsaina

𝙉𝙤𝙢𝙚𝙣’𝙣𝙮 𝙈𝙞𝙣𝙞𝙨𝙞𝙩𝙧𝙮 𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖, 𝙃𝙖𝙞𝙣𝙜𝙤𝙩𝙞𝙖𝙣𝙖 𝘼𝙉𝘿𝙍𝙄𝘼𝙈𝘼𝘿𝙄𝙎𝙊𝙉, 𝙛𝙞𝙩𝙖𝙤𝙫𝙖𝙢-𝙥𝙞𝙖𝙣𝙖𝙧𝙖𝙣𝙖 (𝙠𝙞𝙩 𝙨𝙘𝙤𝙡𝙖𝙞𝙧𝙚) 𝙝𝙤 𝙛𝙖𝙣𝙠𝙖𝙝𝙚𝙧𝙚𝙯𝙖𝙣𝙖 𝙖𝙯𝙮 𝙖𝙢𝙞𝙣’𝙣𝙮 𝙛𝙖𝙣𝙤𝙝𝙞𝙯𝙖𝙣𝙮 𝙣𝙮 𝙛𝙞𝙖𝙣𝙖𝙧𝙖𝙣𝙮 𝙞𝙧𝙚𝙤 𝙯𝙖𝙣𝙖𝙠𝙮 𝙣𝙮 𝙢𝙥𝙞𝙖𝙧𝙖-𝙢𝙞𝙖𝙨𝙖 𝙖𝙛𝙖-𝙥𝙖𝙣𝙖𝙙𝙞𝙣𝙖𝙣𝙖 𝘽𝙖𝙘𝙘𝙖𝙡𝙖𝙪𝙧é𝙖𝙩, 𝙖𝙧𝙮 𝙝𝙤 𝙛𝙖𝙣𝙖𝙢𝙖𝙞𝙫𝙖𝙣𝙖𝙣𝙖 𝙣𝙮 𝙛𝙖𝙝𝙖𝙨𝙖𝙝𝙞𝙧𝙖𝙣𝙖𝙣’𝙣𝙮 𝙧𝙖𝙮 𝙖𝙢𝙖𝙣-𝙙𝙧𝙚𝙣𝙮 𝙖𝙢𝙞𝙣’𝙣𝙮 𝙛𝙞𝙖𝙩𝙧𝙚𝙝𝙖𝙣𝙖 𝙣𝙮 𝙛𝙞𝙙𝙞𝙧𝙖𝙣’𝙣𝙮 𝙢𝙥𝙞𝙖𝙣𝙖𝙩𝙧𝙖 𝙝𝙤 𝙖𝙣’𝙞𝙧𝙚𝙤 𝙝𝙞𝙫𝙚𝙧𝙞𝙣𝙖 𝙖𝙣-𝙩𝙨𝙚𝙠𝙤𝙡𝙮 𝙩𝙖𝙤𝙧𝙞𝙖𝙣’𝙣𝙮 𝙛𝙞𝙖𝙡𝙖𝙣-𝙩𝙨𝙖𝙨𝙖𝙩𝙧𝙖. 𝙉𝙖𝙩𝙤𝙡𝙤𝙩𝙧’𝙞𝙧𝙚𝙤 𝙢𝙥𝙖𝙣𝙖𝙤 𝙛𝙖𝙣𝙖𝙩𝙖𝙣𝙟𝙖𝙝𝙖𝙣𝙩𝙚𝙣𝙖 𝙣𝙞𝙨𝙤𝙡𝙤 𝙩𝙚𝙣𝙖 𝙣𝙮 𝙈𝙞𝙣𝙞𝙨𝙞𝙩𝙚𝙧𝙖 𝙩𝙖𝙣𝙮 𝙖𝙢𝙞𝙣’𝙣𝙮 𝘼𝙎𝙄𝙀𝙁 𝙣𝙮 𝙈𝙞𝙣𝙞𝙨𝙞𝙩𝙧𝙖 𝙠𝙤𝙨𝙖 𝙞𝙧𝙚𝙤 𝙖𝙢𝙗𝙤𝙖𝙧𝙖 𝙖𝙯𝙤𝙣𝙮 𝙩𝙖𝙣𝙮 𝙈𝙖𝙣𝙖𝙠𝙖𝙧𝙖.

« 𝘔𝘢𝘳𝘪𝘬𝘺 𝘯𝘺 𝘧𝘪𝘧𝘢𝘯𝘬𝘢𝘵𝘪𝘢𝘷𝘢𝘯𝘢, 𝘧𝘪𝘢𝘳𝘢𝘩𝘢-𝘮𝘪𝘦𝘯𝘵𝘢𝘯𝘢 𝘢𝘳𝘺 𝘧𝘪𝘳𝘢𝘪𝘴𝘢𝘯𝘬𝘪𝘯𝘢 », hoy ny Minisitry ny Varotra sy ny Fanjifana (MinCC) raha niarahaba sy nankasitraka ireo zanaky ny mpiasan’ny Minisitera vao afaka tamin’ny fanadinam-panjakana farany teo izy ka nanome fitaovam-pianarana ho azy ireo. Tsy diso anjara tamin’izany koa ireo izay hiverina an-dakilasy indray hiatrika ny taom-pianarana vaovao. Hafatra nataon’ny Minisitra tamin’izy ireo ny hifantohany foana amin’ny fianarana ka tsy ho voasarika amin’ny rendrarendra samihafa.

Fotoana nandraisana ireo mpanao fanatanjahantena eto amin’ny MinCC nandray anjara tamin’ny ASIEF tany Manakara koa ny androany, nandritra ny fananganan-tsaina. Nitondra medaly volamena 8 sy medaly volafotsy 14 nody izy ireo.

Momba ireo asa tanterahana eto amin’ny Minisiteran’ny Varotra sy ny Fanjifana dia nanaovan’ny Minisitra Haingotiana ANDRIAMADISON tatitra tamin’ny mpiara-miasa :

– Ny fanitarana hatramin’ny 2028 ny fisitrahan’i Madagasikara ny AGOA (African Growth and Opportunity Act) ka ahafahana manohy ny fanondranana entana tsy misy haban-tseranana mankany Etazonia ;

– Ny fanaovan-tsonia ny Fifanekena iraisam-pirenena momba ny kakao niaraka tamin’ny ICCO (International Cocoa Organization) hanandratana hatrany ny kakao malagasy ;

– Ny fihatsaran’ny vidin’ny lavanila raha mitaha amin’ny vidy (prix de référence) napetraky ny AVM (Alliance pour la Vanille Malagasy),

– Ny fampiatoana ny fakana haban-tseranana sy hetra amin’ny fanafarana vary hitsinjovana ny mpanjifa,

– Ny fividianana vary akotry mivantana eny amin’ny tantsaha mpamboly amin’ny alalan’ny SPM mba tsy hahafaty antoka azy ireo.