Fandrindrana ny vidim-bary

𝙏𝙤𝙣𝙜𝙖 𝙢𝙞𝙫𝙞𝙙𝙮 𝙫𝙖𝙧𝙮 𝙖𝙠𝙤𝙩𝙧𝙮 𝙖𝙣𝙮 𝙖𝙢𝙞𝙣’𝙣𝙮 𝙩𝙖𝙣𝙩𝙨𝙖𝙝𝙖 𝙖𝙣𝙮 𝙏𝙨𝙞𝙧𝙤𝙖𝙣𝙤𝙢𝙖𝙣𝙙𝙞𝙙𝙮 𝙣𝙮 𝙎𝙋𝙈 (𝙎𝙩𝙖𝙩𝙚 𝙋𝙧𝙤𝙘𝙪𝙧𝙚𝙢𝙚𝙣𝙩 𝙤𝙛 𝙈𝙖𝙙𝙖𝙜𝙖𝙨𝙘𝙖𝙧).

Vary 37 taonina no novidian’ny orinasam-panjakana eo ambany fiahian’ny Minisiteran’ny Varotra sy ny Fanjifana (MinCC) tao Tsiroanomandidy ny 29 Aogositra 2026 raha 200 taonina no kasainy ho raisina. Fanombohana ihany izany fa arakaraka ny fahavononan’ny lisitry ny tantsaha manam-bary ho amidy no hirosoana amin’ny fanangonana, araka ny fandaminana. 1500Ar moa no andraisan’ny SPM ny iray kilao amin’ny vary akotry tao Tsiroanomandidy.

Nialohavan’ny dinika fandaminan-draharaha tao amin’ny Prefektioran’i Tsiroanomandidy ny fividianam-bary teo amin’ny Tranompokonolona. Nandray anjara tamin’izany ireo tompon’andraiki-panjakana isan-tsokajiny, ny solontena avy amin’ny SPM ary ny avy amin’ireo tantsaha.

Nambaran’ny Talen’ny Fifaninanana sy ny Fandrindrana ny Tsena (DCRM) eo anivon’ny Minisiteran’ny Varotra sy ny Fanjifana, Rufin ZAFIMIHARY fa fepetra noraisina handrindra ny vidin’ny vary ny fividianana vary mivantana eny ifotony. « 𝘕𝘢𝘵𝘢𝘰𝘯’𝘯𝘺 𝘍𝘪𝘵𝘰𝘯𝘥𝘳𝘢𝘯𝘢 𝘧𝘰𝘪𝘣𝘦 𝘪𝘻𝘢𝘰 𝘢𝘮𝘪𝘯’𝘯𝘺 𝘢𝘭𝘢𝘭𝘢𝘯’𝘯𝘺 𝘔𝘪𝘯𝘪𝘴𝘪𝘵𝘦𝘳𝘢𝘯’𝘯𝘺 𝘝𝘢𝘳𝘰𝘵𝘳𝘢 𝘴𝘺 𝘯𝘺 𝘍𝘢𝘯𝘫𝘪𝘧𝘢𝘯𝘢 𝘴𝘺 𝘯𝘺 𝘚𝘗𝘔 𝘮𝘣𝘢 𝘩𝘪𝘢𝘳𝘰𝘷𝘢𝘯𝘢 𝘯𝘺 𝘵𝘢𝘯𝘵𝘴𝘢𝘩𝘢 𝘴𝘺 𝘩𝘰 𝘧𝘪𝘵𝘴𝘪𝘯𝘫𝘰𝘷𝘢𝘯𝘢 𝘢𝘻𝘺 « , hoy izy.

Naneho ny fahafaham-pony ny solontenan’ny tantsaha, ary nilaza fa nanavotra azy ireo nanoloana ny fikorontananan’ny vidin’ny vary akotry izao fanapahan-kevitra noraisin’ny Fitondram-panjakana izao. « 𝘐𝘯𝘰𝘢𝘯𝘢 𝘧𝘢 𝘳𝘢𝘩𝘢 𝘮𝘣𝘰𝘭𝘢 𝘮𝘪𝘵𝘰𝘩𝘺 𝘪𝘻𝘢𝘰 𝘥𝘪𝘢 𝘵𝘴𝘺 𝘩𝘰 𝘵𝘢𝘷𝘦𝘭𝘢 𝘪𝘩𝘢𝘯𝘺 𝘪𝘭𝘢𝘺 𝘷𝘢𝘳𝘺 𝘢𝘯𝘺 𝘢𝘮𝘣𝘢𝘯𝘪𝘷𝘰𝘩𝘪𝘵𝘳𝘢 𝘧𝘢 𝘩𝘰 𝘢𝘷𝘰𝘵𝘳𝘢 𝘯𝘺 𝘵𝘢𝘯𝘵𝘴𝘢𝘩𝘢 », hoy Martin RAKOTOARISOA, Sefo Fokontany Marolaona ao amin’ny Kaominina Tsiroanomandidy Fihaonana.

Tsy voalohany izao no nidinan’ny SPM nividy vary tany Tsiroanomandidy fa efa nisy teo aloha.