Vokatra fanondrana

𝙑𝙞𝙩𝙖 𝙨𝙤𝙣𝙞𝙖 𝙣𝙮 𝙁𝙞𝙛𝙖𝙣𝙖𝙧𝙖𝙝𝙖𝙣𝙖 𝙨𝙩𝙧𝙖𝙩𝙚𝙟𝙞𝙠𝙖 𝙞𝙧𝙖𝙞𝙨𝙖𝙢-𝙥𝙞𝙧𝙚𝙣𝙚𝙣𝙖 𝙢𝙤𝙢𝙗𝙖 𝙣𝙮 𝙆𝙖𝙠𝙖𝙤 𝙞𝙯𝙖𝙮 𝙝𝙖𝙣𝙖𝙢𝙖𝙛𝙞𝙨𝙖𝙣𝙖 𝙣𝙮 𝙛𝙞𝙖𝙧𝙖𝙝𝙖-𝙢𝙞𝙖𝙨𝙖 𝙝𝙖𝙢𝙥𝙞𝙧𝙤𝙗𝙤𝙧𝙤𝙗𝙤𝙖𝙣𝙖 𝙣𝙮 𝙨𝙚𝙝𝙖-𝙥𝙞𝙝𝙖𝙧𝙞𝙖𝙣𝙖 𝙨𝙮 𝙝𝙖𝙣𝙖𝙣𝙙𝙧𝙖𝙩𝙖𝙣𝙖 𝙝𝙖𝙩𝙧𝙖𝙣𝙮 𝙣𝙮 𝙆𝙖𝙠𝙖𝙤 𝙢𝙖𝙡𝙖𝙜𝙖𝙨𝙮.

Ny Praiminisitra Mamitiana RAJAONARISON ho an’ny andaniny malagasy ary ny Tale mpanatanteraka ao amin’ny Fikambanana iraisam-pirenena momba ny kakao (ICCO) tetsy ankilany, no nanasonia ity Fifanarahana hampandrosoana ny kakao ity, tetsy amin’ny Hôtel Colbert Antaninarenina.

Izao dingana vita izao dia ho fanatanterahana ny paikady sy drafi-pampandrosoana narafitry ny Filankevitra Nasionaly momba ny Kakao (CNC) volana vitsy lasa izay, nampian’ny adisisika nataon’ny Minisiteran’ny Varotra sy ny Fanjifana (MinCC).

Manan-danja lehibe ity fanaovan-tsonia ity ho voninahitr’i Madagasikara satria manana ny toerany maneran-tany ny vokatra kakao eto amintsika izao nosokajian’ny ICCO ho « 100 % manan-tsiro sy hanitra miavaka ».

Nambaran’ny Praminisitra fa manohana tanteraka io seha-pihariana io izay tena rehareham-pirenena ny Fitondram-panjakana ary hijery izay mbola hampiroborobona ny fandrosoany ihany koa. Nankasitrahany moa ny Minisitry ny Varotra sy ny Fanjifana, Haingotiana ANDRIAMADISON izay sady Filohan’ny CNC sy ny ekipa mpiara-miasa tamin’ny fahavitrihana eo amin’ny fandraisana andraikitra tanteraka.

Ho an’ny Minisitry ny Varotra sy ny Fanjifana dia ao ambadiky ny kalitaon’ny kakao malagasy sy ny vidiny izay miakatra hatrany dia misy ireo mpamboly sy mpamokatra izay miasa mafy isan’andro. « 𝘕𝘰𝘩𝘰 𝘪𝘻𝘢𝘯𝘺, 𝘯𝘺 𝘵𝘢𝘯𝘫𝘰𝘯𝘢 𝘷𝘰𝘢𝘭𝘰𝘩𝘢𝘯𝘺 𝘥𝘪𝘢 𝘯𝘺 𝘩𝘪𝘢𝘳𝘰 𝘴𝘺 𝘩𝘪𝘵𝘢𝘩𝘪𝘳𝘺 𝘯𝘺 𝘬𝘢𝘭𝘪𝘵𝘢𝘰𝘯’𝘯𝘺 𝘬𝘢𝘬𝘢𝘰, 𝘢𝘳𝘺 𝘪𝘯𝘥𝘳𝘪𝘯𝘥𝘳𝘢 𝘯𝘺 𝘩𝘢𝘩𝘢𝘵𝘰𝘯𝘨𝘢 𝘪𝘻𝘢𝘯𝘺 𝘬𝘢𝘭𝘪𝘵𝘢𝘰 𝘪𝘻𝘢𝘯𝘺 𝘩𝘢𝘩𝘢𝘻𝘰 𝘭𝘢𝘯𝘫𝘢 𝘢𝘳𝘢-𝘣𝘢𝘳𝘰𝘵𝘳𝘢 𝘢𝘮𝘣𝘰𝘯𝘺 𝘬𝘰𝘬𝘰𝘢, 𝘮𝘣𝘢 𝘩𝘢𝘩𝘢𝘻𝘰𝘢𝘯’𝘪𝘳𝘦𝘰 𝘮𝘱𝘢𝘮𝘰𝘬𝘢𝘵𝘳𝘢 𝘵𝘰𝘮𝘣𝘰𝘯𝘵𝘴𝘰𝘢 𝘣𝘦𝘣𝘦 𝘬𝘰𝘬𝘰𝘢 », hoy izy tetsy Antaninarenina.