Fepetra fanitsiana ara-barotra

𝙉𝙤𝙩𝙤𝙠𝙖𝙣𝙖𝙣𝙖 𝙣𝙮 𝙩𝙧𝙖𝙣𝙤 𝙫𝙖𝙤𝙫𝙖𝙤 𝙝𝙞𝙖𝙨𝙖𝙣’𝙣𝙮 𝘼𝙉𝙈𝘾𝘾 (𝘼𝙪𝙩𝙤𝙧𝙞𝙩é 𝙉𝙖𝙩𝙞𝙤𝙣𝙖𝙡𝙚 𝙘𝙝𝙖𝙧𝙜é𝙚 𝙙𝙚𝙨 𝙈𝙚𝙨𝙪𝙧𝙚𝙨 𝘾𝙤𝙧𝙧𝙚𝙘𝙩𝙞𝙫𝙚𝙨 𝘾𝙤𝙢𝙢𝙚𝙧𝙘𝙞𝙖𝙡𝙚𝙨) 𝙚𝙣𝙮 𝙄𝙛𝙖𝙧𝙞𝙝𝙮 𝘽𝙮 𝙋𝙖𝙨𝙨.

Trano lehibe misy rihana telo, ahitana birao 18 sy efitrano fivoriana 3 ankoatran’ireo efitra samihafa izay samy manana ny ampiasana azy manokana…Ity fotodrafitrasa eny Ifarihy By Pass ity no hisy ny Foiben-toeran’ny Fahefam-pirenena misahana ny Fepetra fanitsiana ara-barotra (ANMCC) manomboka izao.

Nitarika ny lanonam-panokanana ny zava-bita teny Ifarihy By Pass, kaominina Ankaraobato, ny Praiminisitra Mamitiana RAJAONARISON sy ny Minisitry ny Varotra sy ny Fanjifana, Haingotiana ANDRIAMADISON, notronin’ny Minisitry ny Indostria sy ny Fampivelarana ny Sehatra tsy miankina, Solombavambahoaka telo mianadahy ary tomponandraikitra sy solontena avy amin’ny rafi-panjakana sy sehatra tsy miankina.

« 𝘔𝘢𝘭𝘢𝘨𝘢𝘴𝘺, 𝘮𝘢𝘯𝘰𝘥𝘪𝘯𝘢 𝘷𝘰𝘬𝘢𝘵𝘳𝘢 𝘮𝘢𝘭𝘢𝘨𝘢𝘴𝘺, 𝘮𝘢𝘯𝘫𝘪𝘧𝘢 𝘯𝘺 𝘷𝘪𝘵𝘢 𝘮𝘢𝘭𝘢𝘨𝘢𝘴𝘺 𝘮𝘣𝘢 𝘩𝘰 𝘮𝘰𝘳𝘢 𝘩𝘰 𝘢𝘯’𝘯𝘺 𝘮𝘱𝘢𝘮𝘰𝘬𝘢𝘵𝘳𝘢 𝘮𝘢𝘭𝘢𝘨𝘢𝘴𝘺 𝘯𝘺 𝘩𝘪𝘧𝘢𝘯𝘪𝘯𝘢𝘯𝘢 𝘢𝘮𝘪𝘯’𝘪𝘳𝘦𝘰 𝘷𝘰𝘬𝘢𝘵𝘳𝘢 𝘵𝘴𝘺 𝘮𝘢𝘭𝘢𝘨𝘢𝘴𝘺 », hoy ny Praiminisitra tamin’ny lahateniny.

Ny ANMCC moa dia rafitra eo ambany fiahian’ny Minisiteran’ny Varotra sy ny Fanjifana (MinCC) miandraikitra fanadihadiana ahafahana mametraka fepetra fiarovana ireo orinasa mpamokatra na seha-pamokarana eto Madagasikara, noho ny fitobahan’ny vokatra hafarana avy any ivelany na ny fandikan-dalàna amin’ny fifaninanana ka miteraka fahavoazana ho azy ireo.

« 𝘝𝘪𝘵𝘢 𝘪𝘻𝘢𝘰 𝘯𝘺 𝘵𝘳𝘢𝘯𝘰, 𝘦𝘧𝘢 𝘷𝘪𝘵𝘢 𝘵𝘴𝘢𝘳𝘢 𝘵𝘢𝘳𝘦𝘩𝘺, 𝘥𝘪𝘢 𝘢𝘵𝘢𝘰𝘷𝘺 𝘵𝘴𝘢𝘳𝘢 𝘵𝘢𝘳𝘦𝘩𝘺 𝘴𝘺 𝘮𝘢𝘩𝘢𝘧𝘢𝘱𝘰 𝘪𝘩𝘢𝘯𝘺 𝘬𝘰𝘢 𝘯𝘺 𝘵𝘰𝘭𝘰𝘵𝘳𝘢 𝘰𝘮𝘦𝘯𝘢 𝘯𝘺 𝘮𝘱𝘢𝘯𝘫𝘪𝘧𝘢 », hoy ny Minisitra Haingotiana ANDRIAMADISON raha nitodika tamin’ireo mpiara-miasa ao amin’ny ANMCC.

Nanentana ireo mpandraharaha ara-toekarena, indostrialy sy mpamokatra eto an-toerana izy tsy hisalasala hanatona ny ANMCC raha misy toe-javatra ilàna izany. Nanala ny ahiahin’ireo mpanafatra entana koa ny Minisitra raha nilaza fa tsy hamono seha-pihariana efa mandeha no tanjona fa fantsarana ny tontolon’ny fifaninanana.