Lalam-barotra Letisia mankany Eoropa

𝙉𝙖𝙣𝙖𝙩𝙖𝙣𝙩𝙚𝙧𝙖𝙠𝙖 𝙙𝙞𝙣𝙞𝙠’𝙖𝙨𝙖 𝙣𝙞𝙖𝙧𝙖𝙠𝙖 𝙩𝙖𝙢𝙞𝙣’𝙞𝙧𝙚𝙤 𝙤𝙧𝙞𝙣𝙖𝙨𝙖 𝙡𝙚𝙝𝙞𝙗𝙚 𝙧𝙤𝙖 𝙢𝙥𝙖𝙣𝙖𝙛𝙖𝙩𝙧𝙖 𝙡𝙚𝙩𝙞𝙨𝙞𝙖 𝙖𝙫𝙮 𝙚𝙩𝙤 𝙈𝙖𝙙𝙖𝙜𝙖𝙨𝙞𝙠𝙖𝙧𝙖 𝙨𝙮 𝙢𝙥𝙞𝙯𝙖𝙧𝙖 𝙞𝙯𝙖𝙣𝙮 𝙢𝙖𝙣𝙚𝙧𝙖𝙣𝙖 𝙖𝙣’𝙞 𝙀𝙤𝙧𝙤𝙥𝙖, 𝙩𝙖𝙣𝙮 𝙁𝙧𝙖𝙣𝙩𝙨𝙖, 𝙣𝙮 𝙈𝙞𝙣𝙞𝙨𝙞𝙩𝙧𝙮 𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖 (𝙈𝙞𝙣𝘾𝘾) 𝙃𝙖𝙞𝙣𝙜𝙤𝙩𝙞𝙖𝙣𝙖 𝘼𝙉𝘿𝙍𝙄𝘼𝙈𝘼𝘿𝙄𝙎𝙊𝙉 𝙨𝙮 𝙣𝙮 𝙁𝙞𝙡𝙤𝙝𝙖𝙣’𝙣𝙮 𝙑𝙤𝙣𝙙𝙧𝙤𝙣’𝙞𝙧𝙚𝙤 𝙈𝙥𝙖𝙣𝙤𝙣𝙙𝙧𝙖𝙣𝙖 𝙇𝙚𝙩𝙞𝙨𝙞𝙖 (𝙂𝙀𝙇) 𝙍𝙤𝙡𝙖𝙣𝙙 𝙍𝘼𝙏𝙎𝙄𝙍𝘼𝙆𝘼 𝙨𝙮 𝙣𝙮 𝙢𝙥𝙞𝙖𝙧𝙖-𝙢𝙞𝙖𝙨𝙖 𝙖𝙢𝙞𝙣𝙮 𝙖𝙫𝙮.

Roa herinandro monja taorian’ny « Assises nationales du litchi » notontosaina tany Toamasina dia nihaona tamin’ireo mpanafatra letisia malagasy mankany Eoropa, tao Parisy, indray ny delegasiona nahitana ny avy amin’ny Minisiteran’ny Varotra sy ny Fanjifana sy ny Vondron’ireo mpanondrana letisia.

Nisy ny fifanakalozana hevitra momba ny tsenan’ny letisia, ny fenitra takian’ny tsena eoropeana ary ny fanamafisana ny fiaraha-miasa ho fampandrosoana maharitra ny seha-pihariana.

Naseho tamin’ireo mpanafatra tamin’izany ny sori-dalana (feuille de route) sy ny fanavaozana kasaina hotanterahina, araka ny fehin-kevitry ny Dinika nasionaly momba letisia. Tanjona ny hanatsarana ny fandaminana sy ny fitantanana ny seha-pihariana, ny kalitao ary ny fifaninanana, sady hiantohana ny faharetan’ny tsena. « 𝘡𝘢𝘷𝘢-𝘥𝘦𝘩𝘪𝘣𝘦 𝘯𝘺 𝘧𝘢𝘮𝘦𝘵𝘳𝘢𝘩𝘢𝘯𝘢 𝘳𝘢𝘧𝘪𝘵𝘳𝘢 𝘮𝘢𝘯𝘨𝘢𝘳𝘢𝘩𝘢𝘳𝘢 𝘴𝘺 𝘮𝘪𝘵𝘰𝘷𝘺 𝘩𝘰 𝘢𝘯’𝘯𝘺 𝘳𝘦𝘩𝘦𝘵𝘳𝘢, 𝘬𝘢 𝘪𝘻𝘢𝘺 𝘮𝘢𝘩𝘢𝘧𝘦𝘯𝘰 𝘯𝘺 𝘧𝘦𝘱𝘦𝘵𝘳𝘢 𝘵𝘢𝘬𝘪𝘢𝘯𝘢 𝘥𝘪𝘢 𝘢𝘧𝘢𝘬𝘢 𝘮𝘪𝘥𝘪𝘵𝘳𝘢 𝘴𝘺 𝘮𝘢𝘯𝘥𝘳𝘢𝘺 𝘢𝘯𝘫𝘢𝘳𝘢 𝘢𝘮𝘪𝘯’𝘯𝘺 𝘴𝘦𝘩𝘢-𝘱𝘪𝘩𝘢𝘳𝘪𝘢𝘯𝘢, 𝘮𝘣𝘢 𝘩𝘪𝘴𝘰𝘳𝘰𝘩𝘢𝘯𝘢 𝘯𝘺 𝘧𝘢𝘯𝘢𝘷𝘢𝘬𝘢𝘷𝘢𝘩𝘢𝘯𝘢 𝘴𝘺 𝘯𝘺 𝘵𝘰𝘮𝘣𝘰𝘯𝘵𝘴𝘰𝘢 𝘮𝘢𝘯𝘰𝘬𝘢𝘯𝘢 », hoy ny Minisitra Haingotiana ANDRIAMADISON.

Orinasa roa mpanafatra letisia mankany Eoropa ireto nihaona tamin’ny delegasiona malagasy ireto dia ny SIIM, mpiara-miombon’antoka hatry ny ela, sy ny ORSERO, izay mpanafatra vaovao tamin’ity taom-piotazana ity. Ankoatra ny fizarana ny letisia avy eto Madagasikara manerana an’i Eoropa, dia ezaka efa ataony koa ny fanohanana ireo mpisehatra malagasy, indrindra teo amin’ny fanomanana ny taom-piotazana, na ara-bola na ara-pitaovana.

Nisy ihany koa ny fitsidihana ny toerana fikirakirana sy fanomanana ny letisia ao amin’ny orinasa SIIM nandritra izao fihaonana tany Parisy izao.

Ny fanamby dia ny hitandroana ny fitokisan’ireo mpiara-miombon’antoka sy ny fitohizan’ny tsena, sady hanamafisana ny mangarahara, ny fitovian-jo ary ny fandaminana ny seha-pihariana. Mitaky fiaraha-mientana eo amin’ny Fanjakana, ny GEL, ireo mpanondrana, ireo mpanafatra ary ny mpiara-miombon’antoka rehetra izany, mba hiantohana ny fampandrosoana maharitra ny seha-pihariana letisia malagasy.