Assises Nationales du Litchi

𝙉𝙖𝙣𝙖𝙨𝙖𝙣’𝙣𝙮 𝙑𝙤𝙣𝙙𝙧𝙤𝙣’𝙞𝙧𝙚𝙤 𝙢𝙥𝙖𝙣𝙤𝙣𝙙𝙧𝙖𝙣𝙖 𝙡𝙚𝙩𝙞𝙨𝙞𝙖 (𝙂𝙀𝙇) 𝙣𝙮 𝙖𝙣𝙠𝙤𝙡𝙖𝙛𝙮 𝙧𝙚𝙝𝙚𝙩𝙧𝙖 𝙫𝙤𝙖𝙠𝙖𝙨𝙞𝙠𝙖 𝙣𝙮 𝘿𝙞𝙣𝙞𝙠𝙖 𝙝𝙖𝙣𝙖𝙩𝙨𝙖𝙧𝙖𝙣𝙖 𝙣𝙮 𝙎𝙚𝙝𝙖-𝙥𝙞𝙝𝙖𝙧𝙞𝙖𝙣𝙖 𝙇𝙚𝙩𝙞𝙨𝙞𝙖. 𝙉𝙖𝙣𝙤𝙠𝙖𝙩𝙧𝙖 𝙞𝙯𝙖𝙣𝙮 𝙩𝙖𝙣𝙮 𝙏𝙤𝙖𝙢𝙖𝙨𝙞𝙣𝙖 𝙣𝙮 𝙈𝙞𝙣𝙞𝙨𝙞𝙩𝙧𝙮 𝙣𝙮 𝙑𝙖𝙧𝙤𝙩𝙧𝙖 𝙨𝙮 𝙣𝙮 𝙁𝙖𝙣𝙟𝙞𝙛𝙖𝙣𝙖, 𝙃𝙖𝙞𝙣𝙜𝙤𝙩𝙞𝙖𝙣𝙖 𝘼𝙉𝘿𝙍𝙄𝘼𝙈𝘼𝘿𝙄𝙎𝙊𝙉.

Madagasikara no laharana voalohany maneran-tany amin’ny fanondranana letisia. Ny 35%-n’ny vokatra letisia aondrana eo amin’ny tsena iraisam-pirenena dia avy eto Madagasikara.

Fianakaviana malagasy 100000 no mivelona amin’ny asa letisia.

Na eo aza ny toerana misy an’i Madagasikara amin’ny fanondranana letisia dia niantsoan’ny GEL ny tantsaha mpamboly, mpanodina, mpanondrana letisia, rafitra samihafa voakasika ny Dinika nasionaly momba ny letisia any Toamasina nanomboka androany. Anisan’ireo mandray anjara amin’izany koa ireo teknisiana avy amin’ny Minisiteran’ny Varotra sy ny Fanjifana (MinCC).

Nambaran’ny Minisitra Haingotiana ANDRIAMADISON, nandritra ny lahateny fanokafana ny Dinika fa ny fanavaozana entina eo amin’ny letisia dia ny fanatsarana amin’ny alalan’ny fametrahana fototra hahafahana miaro ny Seha-pihariana. « 𝘛𝘢𝘯𝘫𝘰𝘯𝘢 𝘯𝘺 𝘧𝘢𝘯𝘢𝘧𝘰𝘢𝘯𝘢𝘯𝘢 𝘯𝘺 𝘢𝘮𝘱𝘪𝘩𝘪𝘮𝘢𝘮𝘣𝘢 𝘴𝘺 𝘧𝘪𝘵𝘳𝘢𝘯𝘥𝘳𝘢𝘩𝘢𝘯𝘢 𝘵𝘴𝘦𝘯𝘢𝘮-𝘣𝘢𝘳𝘰𝘵𝘳𝘢 𝘪𝘳𝘢𝘪𝘴𝘢𝘮-𝘱𝘪𝘳𝘦𝘯𝘦𝘯𝘢 », hoy izy tao amin’ny PACT Toamasina. Tsy vokatra fotsiny fa fidiram-bola ho an’ny tantsaha sy ho an’ny kitapom-bolam-panjakana ny letisia, ankoatran’ny maha-asa fandraharahana azy.

Niadian-kevitra tany amin’ny asam-baomiera ny lohahevitra samihafa hanatsarana ny Seha-pihariana letisia toy famokarana, ny kalitao, lalam-barotra. Ho ampandalovina amin’ny vaomiera mpanara-maso ny soso-kevitra hivoaka amin’ny Dinika nasionaly mialoha ny itondrana azy manoloana ny Filankevitry ny Governemanta sy Filankevitry ny Minisitra.

Nasongadin’ny Filohan’ny GEL, Roland RATSIRAKA, fa fomba fiasan’ny Vondron’ireo mpanondrana letisia ankehitriny ny mangarahara. « 𝘕𝘢 𝘯𝘺 𝘳𝘦𝘴𝘢𝘬𝘢 𝘲𝘶𝘰𝘵𝘢 𝘢𝘻𝘢 𝘥𝘪𝘢 𝘯𝘰𝘩𝘢𝘵𝘴𝘢𝘳𝘢𝘪𝘯𝘢 𝘬𝘢 𝘢𝘯𝘢𝘰𝘷𝘢𝘯’𝘯𝘺 𝘳𝘦𝘩𝘦𝘵𝘳𝘢 𝘴𝘰𝘯𝘪𝘢 𝘯𝘺 𝘧𝘪𝘻𝘢𝘳à𝘯𝘢 𝘪𝘻𝘢𝘯𝘺 », hoy izy.