𝙏𝙤𝙣𝙜𝙖 𝙝𝙖𝙩𝙧𝙖𝙣𝙮 𝙖𝙢𝙞𝙣’𝙣𝙮 𝙩𝙤𝙚𝙧𝙖𝙣𝙖 𝙨𝙖𝙧𝙤-𝙙𝙖𝙡𝙖𝙣𝙖 𝙞𝙧𝙚𝙤 𝙊𝙧𝙞𝙣𝙖𝙨𝙖 𝙣𝙖𝙝𝙖𝙛𝙚𝙣𝙤 𝙣𝙮 𝙛𝙚𝙥𝙚𝙩𝙧𝙖 𝙣𝙖𝙥𝙚𝙩𝙧𝙖𝙠𝙮 𝙣𝙮 𝘼𝙑𝙈 𝙢𝙞𝙫𝙞𝙙𝙮 𝙡𝙖𝙫𝙖𝙣𝙞𝙡𝙖 𝙢𝙖𝙞𝙩𝙨𝙤 𝙚𝙣𝙮 𝙖𝙢𝙞𝙣’𝙣𝙮 𝙩𝙖𝙣𝙩𝙨𝙖𝙝𝙖.
Manohy ny fividianana lavanila maitso eny amin’ny mpamboly ireo mpandraharaha voafantina hiara-hiasa amin’ny AVM (Alliance pour la Vanille Malagasy) any amin’ny Faritra DIANA, toy ny any amin’ny Faritra Sofia.
Milanja hatrany amin’ny 8728 kilao ny lavanila maitso voaangona tany amin’ny Faritra DIANA hatramin’ny omaly 04 Aogositra 2026 ka ny 8352 kilao tamin’ireo lavanila lava raha 376 kilao ny lavanila fohy. Nisy ampahany tamin’ireo vokatra lavanila nentin’ny tantsaha no mbola tsy matoy ka tsy azo noraisina.
– Hitohy any Amboriala sy Antsiavalahy any amin’ny sisin-tany anatin’ny Distrikan’Ambanja, mifanolotra amin’ny Faritra Sofia, izay anantenana vokatra any amin’ny 10 hatramin’ny 15 taonina ny fividianana. Noho ny tsy fahafahan’ny fiara na moto miditra any amin’izany toerana izany anefa dia tsy maintsy avoaka any amin’ny kaominina Andrafaikona ny vokatra.
Tany amin’ny kaominina Sandrakota, mbola any amin’ny distrikan’Ambanja ihany, dia manodidina ny 1337 kilao ny lavanila maitso efa noraisin’ny Orinasa Stephin Antoni tany amin’ireo mpamboly hatramin’ny androany 05 Aogositra 2026.
– Hitohy any amin’ny toerana andehanana an-tongotra iray andro mandroso sy miverina ny fividianana rahampitso, araka ny tatitry ny mpiara-miasa eo anivon’ny Delegasionan’ny Varotra sy ny Fanjifana any Ambanja.
