𝙉𝙖𝙣𝙖𝙤𝙫𝙖𝙣𝙖 𝙩𝙤𝙢𝙗𝙖𝙣𝙖 𝙩𝙚𝙣𝙮 𝙖𝙢𝙞𝙣’𝙣𝙮 𝘾𝘾𝙄 𝙄𝙫𝙖𝙩𝙤 𝙣𝙮 𝙛𝙖𝙣𝙖𝙩𝙖𝙣𝙩𝙚𝙧𝙖𝙝𝙖𝙣𝙖 𝙣𝙮 𝙩𝙚𝙩𝙞𝙗𝙤𝙡𝙖𝙢-𝙥𝙖𝙣𝙟𝙖𝙠𝙖𝙣𝙖.
Tanterahina isan’enim-bolana ny jeritodika mikasika ny fampiasana ny tetibolam-panjakana. Teny amin’ny CCI Ivato, androany, dia nitarika ny REB izay napetraka ho eo ambany fiahian’ny Praiminisitra Mamitiana RAJAONARISON ny Minisiteran’ny Toekarena sy ny Fitantanam-bola (MEF).
Nandray anjara tamin’izany ireo mpikambana ao amin’ny Governemanta ka anisan’ireny ny Minisitry ny Varotra sy ny Fanjifana (MinCC) Haingotiana ANDRIAMADISON, ireo tompon’andraiki-panjakana ambony isan-tsokajiny, ny mpiara-miombon’antoka ara-teknika sy ara-bola, ny Fitsarana momba ny Kaontim-panjakana ary ny firaisa-monim-pirenena.
Nifantoka indrindra tamin’ny Tetikasa Fampiasam-bolam-panjakana (PIP) ho fanatanterahana ny Poilitika ankapoben’ny Fanjakana ho an’ny Fanavaozana (PGE-R) ny jeritodika natao. Ity REB teny Ivato ity moa dia sehatra nasionaly ahafahan’ny minisitera sy andrim-panjakana mijery ny fandrosoan’ny fanatanterahana ny tetibola, manombana ny zava-bita ary mametraka ny paikady hanatsarana ny fampiharana ireo asa sy tetikasa mandritra ny tapany faharoa amin’ny taona 2026.
